藝人龔嘉欣昨日（6日）出席劇集《香港探秘地圖》宣傳活動，對於早前演藝圈被指有前輩會對後輩教戲，她接受《香港01》訪問時表示自己未遇過這個情況：「我又冇喎，反而係自己會主動去請教前輩。」她指自己當時還是新人的時間，會自己去請教前輩意見：「因為始終人哋嘅經驗係豐富好多好多。」

龔嘉欣自動自覺去請教前輩

龔嘉欣表示自己不用等前輩來教，她就已經自動自覺去請教前輩，但對於後輩，她形容自己沒有資格去教人：「我冇資格，我冇資格！我唔會阿，有時我覺得我自己都就算我入咗行咁耐，做每一個戲每一個角色嘅時候我都會有一個壓力喺度，好專注好專心咁做好自己嘅工作先。」龔嘉欣表示平時見到同是演員的大家可能頭髮亂了就幫忙處理一下，衣服未拉好的就幫她們拉好，在這些細節位上幫忙她們：「我哋面對面做對手戲嘅時候，就會最清楚咁有時見到，亂咗嘅咪幫手大家睇下囉。」