李家鼎（鼎爺）一家家事早前鬧得滿地風雨，黃夏蕙（夏蕙姨）受訪時代大仔李泳漢求情。昨日（6月8日）夏蕙姨出席尖沙咀活動時接受《香港01》訪問，提起李家鼎家事時，表示不願多談。

夏蕙姨拒評鼎爺家事

夏蕙姨最近忙於處理自己事：「（有冇搵鼎爺食飯？）冇時間呀，自身都難保。（點睇鼎爺同泳漢脫離父子關係？）呢啲佢嘅嘢，我冇辦法批評，鼎爺鍾意點咪點囉，係咪？」

如果夏蕙姨的契仔忤逆，她又會如何面對？夏蕙姨回答：「（唔孝順會唔會唔要？）一定唔要㗎啦，太過過份，唔應該做嘅嘢。我啲契仔好好嘅。（驚唔驚因為基金資金增多，契仔們變心？）唔會㗎！我啲契仔契女只會因為知道我有慈善基金而鼎力支持，只會攞啲錢出嚟做慈善。（如果契仔契女問你借錢？）一定唔會，我啲契仔契女亦唔需要借，唯一要嘅，睇吓佢點啦，或者佢好淒涼，病呀，一定要幫。」