憑藉TVB Plus（82台）旅遊節目《自然系女子旅行》人氣急升的27歲主持林映暉（暉哥），隨著節目來到第三季，暉哥近日積極幫手宣傳。日前，她在IG上傳一段動感十足的短片為節目造勢，雖然只有短短8秒，畫面卻震撼網民眼球，吸引大量網民觀看及留言。

比堅尼原地跳動極震撼　暉哥號召睇節目：約定你

暉哥平時衣著打扮極保守，看見她平日在ig分享的生活照，大多都穿得密密實實。不過，今次為節目宣傳，暉哥認真是搏到盡！影片中，見暉哥穿上粉紅色比堅尼，推開一扇門，從室內行出戶外；伸一伸懶腰後，甜笑原地跳動了一下，動感畫面極為震撼！她更擺出手勢「3」，預告《自然系女子旅行3》即將推出。暉哥留言：「號外號外📢大家熱烈期待嘅 ⁠《自然系女子旅行3》要返嚟啦！🌊🌳首播日期會係6/25 !!😆✨記得留低時間睇我哋嘅播出啦📺約定你💖」

網民讚誠意十足：睇條片都睇幾粒鐘

眾所周知，暉哥身材出眾，「彈彈下」出場畫面令確實非常賞心悅目，網民大讚宣傳勁，紛紛揚言：「想睇了」，並大讚暉哥「誠意十足」、「好有吸引力」，更有網民誇張形容：「你咁搏命宣傳.....淨係呢條片都已經要睇幾粒鐘啦~」。據知今次暉哥前往花蓮、台東及韓國濟州，放慢步伐感受當地美景，亦會上山下海。而絕對不能少亦是旅行必備的溫泉體驗，將發掘各種絶景浸浴地點，在大自然的懷抱中與其他拍檔盡情 girl's talk。

點擊睇更多「暉哥」生活照：