早前薛家燕被地氈絆倒，整個人仆倒地上直撼塊面，鼻子撞瘀，在鼻子留下小疤痕。今日（6月18日）她出席古裝音樂劇《花影夢》，接受《香港01》訪問分享近況。

薛家燕：個鼻我冇去整容

薛家燕：「好有心，其實我已經接到好多Whatsapp、Wechat，好多朋友問候我。我冇事呀，可能嗰次唔小心，絆到個地氈跌到，而家冇事啦。（有睇醫生？）有，冇事嘅，係個鼻瘀，損咗，但係而家都冇事。嗱，個鼻我冇去整容㗎！哈哈哈。今日咁大雨就要搵人扶住，因為天雨路滑。（會投訴？）嗱，唔使我投訴，佢貼晒膠紙啦，可能睇到你哋報道。係好事嚟嘅，唔好令其他人唔小心又絆到。」