前港姐兼前TVB小花黃碧蓮（Linna）自去年離巢，並與圈外總裁男友Jack拉埋天窗之後，人生進度條簡直係直線飆升！新婚短短8個月，她近日就在IG大派「驚喜彈」，開心宣布造人成功，更大曬超聲波相兼驕人巨肚，準備迎接愛情結晶品，認真可喜可賀！

黃碧蓮曬巨肚

日前黃碧蓮在IG上載短片大騷巨肚！短片中她穿着一條連身小短裙，背面看上去依然是昔日的身形，完全看不上已經懷孕。當她一轉身，掀起裙擺時就露出了「收藏」在裙下的巨肚，令人十分驚喜！

傳說中的「肥肚不肥人」

雖然個肚已經「籮咁大」，目測隨時準備「卸貨」，但片中的黃碧蓮依然面尖尖，手腳亦非常纖幼，行路好輕盈，絕對是傳說中的「肥肚不肥人」，得天獨厚到震！一班網民同圈中好友都即刻瘋狂畀Like，大讚她佗得勁靚。不少網民也留言：「點解背面可以完全睇唔出？」、「大肚都可以咁索！」、「背面係少女，正面係靚媽」、「最靚大肚婆當之無愧」，還有網民搞笑話：「個肚收得好埋呀，魔術嚟㗎？」可見大家都感受到這位準媽媽的喜悅，齊齊集氣等BB出世！