羅子溢與老婆楊茜堯拍拖到結婚生B多年來一直十分恩愛，他們夫妻倆向來都十分疼錫一對寶貝仔女，並不時會於社交網分享他們一家四口幸福生活的點滴。今日是父親節，身為兩個小朋友爸爸的羅子溢亦有於IG祝大家父親節快樂，分享他與仔女過節的靚相與感受。

夫妻倆隔空放閃好恩愛

羅子溢發文寫道：「父親節快樂！喺拍攝期間太太帶咗小朋友嚟探我班，小朋友對我受傷嘅妝好好奇。今日收到心心送俾爸爸嘅禮物，其中一樣係一架船🛳️，我同心心講，爸爸媽媽係你哋嘅船長，你哋係我哋嘅乘客，目的地係你哋嘅夢想，我哋會載你地去到夢想嘅目的地！辛苦老婆喺我拍攝嘅時候照顧小朋友又照顧屋企，依家到你開工拍攝！加油❤️」大讚老婆是個超級好太太好媽咪。楊茜堯亦有留言回應老公表示：「Happy Father's Day❤️my dear ，希望你呢個船長日日健康開心❤️」夫妻倆乘機隔空放閃，恩愛之情羨煞旁人。