亨仔@ROVER為搵食地盤開工 曾自爆月入唔過萬網民憂變下隊P1X3L
ViuTV選秀節目《全民造星》先後捧出多個男團,但資源有限、僧多粥少,其中第二季出身的男團P1X3L宣布暫停團體活動,成員葉振弘(Marco)的名字更在官網消失,傳出滿約離巢兼解散傳聞。而P1X3L的解散,也令網民關注《全民造星V》的樂隊ROVER去向,怕他們步師兄P1X3L後塵。現年29歲的陳鎮亨(亨仔),雖然有大學學歷,但早前曾自爆人工不過一萬,日前他更在地盤開工,令網民熱議。
亨仔本身是香港大學機械工程系的高材生,入行前曾做過Sales及送貨運輸,他日前在IG限時動態貼出一張大廈頂的俯瞰照,令人擔心他是否要做傻事,之後他才貼出另一張有安全鞋、水泥的照片,並配文:「努力搵錢!」亨仔事後坦言,去地盤開工並非新鮮事,由於自己修讀機械工程,去地盤主要是「做工程嘢」,與大學學科相關,希望可以在該範疇建立事業,雙管齊下搵真銀。他又透露,由於父親近期身體轉差並已屆退休之齡,目前家庭經濟主要靠妹妹(YouTuber十冰)頂住,身為長子的他自然要自強不息,做散工幫補家計。
曾自爆「月入唔過萬」 ROVER隊友各出奇謀兼職搵食
亨仔早前就曾於Threads自爆「月入唔過萬」,雖然他事後火速澄清只是說笑「亂噏幾句」,但亦無奈承認「賺唔到好多錢係事實」。事實上,ROVER近期的發展可謂一波三折,早前原定與樂隊ToNick在澳門舉行的演唱會最終被迫取消,為了生存,ROVER四子早已各出奇謀做副業幫補生計,例如有指成員王希晉要兼職教唱歌,而隊長Kim(卓金樂)亦要靠教樂器搵食,情況令人唏噓。
Kim感性發文指能屈能伸:用雙手撐起夢想同生活,沒甚麼好丟臉
隨對於亨仔地盤開工一事,隊長Kim(卓金樂)隨即在帖文下留下長文力撐兄弟:「生活從來都唔容易,用自己雙手撐起夢想同生活,沒甚麼好丟臉。入得舞台就入得地盤返得工,先至係真正嘅能屈能伸。 我哋唔怕冇錢,只怕活得唔夠真實……多謝大家關心,我哋四個會繼續腳踏實地做好音樂。」此話一出,隊友Jason(雷濠權)見狀即幽默地問:「做訪問唔見你(Kim)咁識講嘢?」而希晉亦激昂高呼:「兄弟們,我哋唔怕人哋目光,我哋四個一齊繼續努力!」足見雖然做藝人收入麻麻,但四子始終對夢想一條心。不過,由於近日ROVER推出新歌《初級大人》,也令人懷疑這些會否是宣傳一部份。