無綫高層樂易玲（樂小姐）每年生日皆會與大批旗下藝人慶祝，日前突然傳出去年樂小姐生日時發生禮物被盜的傳聞。而事主周吉佩接受訪問時已親證有發生過此事，而眾多有去生日會的藝人中，冼靖峰亦是並中一人，他接受《香港01》訪問時被問及此事，他坦言當時在場的人大致都有聽聞這件事。不過他強調事件已經過去，並引用周吉佩先前的回應表示：「我哋其實在場有好多人都知嘅，都知有呢樣嘢，但係都過去咗。因為禮物係吉吉送畀樂小姐嘅，咁小姐都冇再繼續講呢件事，吉吉都冇再繼續講，咁我哋就覺得，我哋唔係一個good position去評論任何事。」

冼靖峰直言與涉事者「不相熟」

被問到是否認識傳聞中的涉事者，冼靖峰透露雖然看過網上的相關形容，心中大概有個猜測：「我相信大家都應該認識，因為我見到有個Description講呢個人。我估係形容緊嗰個人，因為其實我哋大概知係邊個。」不過他亦直言與涉事者「不相熟」，私下亦從未在工作或拍攝上有過合作：「你啱啱講嗰個人我唔係好認識嘅。」