前Boy'z成員張致恒（Steven）於2019年7月宣布與粉絲區燕雯（雯雯）結婚，這段婚姻可說是歷盡高低，加上二人生育能力極強，「四年抱四」育有四名兒子，多次面臨經濟拮据與婚變危機，雯雯時時在網上抱怨。最近張致恒浪子回頭，腳踏實地搵工賺錢，加上又有商演開始接洽，相信能夠緩解部分經濟壓力。

雯雯發黑底白字割席

早前雯雯再一次在IG限時動態以黑底白字攻擊張致恒，企圖撕破他的「好爸爸」假面具。雯雯怒不可遏地寫道：「不要在世人面前再裝，沒意義的」，雯雯隨後更寫道，兩人心態早已決裂，直言雙方是「唔同世界、唔同前路、唔同觀點既人，就係要走向不同方向。」 她更向張致恒強硬表態，直指「你既選擇我祝福你，但我唔會同小朋友陪你癲」，字裏行間充滿對丈夫的心死與厭惡，令這段早已千瘡百孔的婚姻再次亮起紅燈。

一家三口行街勁溫馨

不過，雖然兩人在網上世界看似水火不容，但有網民日前遇上兩公婆帶埋其中一個仔仔行街，雖然雯雯同Steven無拖手，但全程有傾有講，而Steven亦有主動拖住仔仔，睇落係幾溫馨，同兩人網上的形象有對比。