TVB劇集《非份之罪》正在熱播，今個單元《一億殺機》亦成功帶起不少的話題。當然單元中的女主角陳煒貢獻不少，劇中她以超性感睡衣現身及出浴戲，又與李家鼎及徐榮有床戲，的確十分吸睛。陳煒最近正在深圳為新劇開工，她接受《東張西望》訪問時，表示自己都未看過播出，因為正忙碌地拍攝。

陳煒難忘幫徐榮沖涼

雖然陳煒正忙於拍攝工作，但亦有抽空欣賞劇中的片段，她指：「我終於記返起自己拍過啲咩！」她被問到知不知道自己在劇中「搏咗啲咩」時，她笑指：「我一睇到啲片段我記得㗎啦，我差啲唔記得咗同徐榮有親熱，同埋最開心就係嗰場戲，幫佢沖涼。跟住要伸隻手去摸徐榮嘅重要部位，避得好緊要啊！好難摸唔到啊！」