走過死蔭幽谷，寶珮如靠著信仰重新站起來。在她47歲那年，緣份悄然而至，她在教會活動認識了比她年輕、任職香港廉政公署（ICAC）的鄧秋雄（Matthew）。兩人交往短短兩個月，Matthew便向她求婚，對方「一生一世」的承諾，寶珮如終於打破了對婚姻的恐懼，決定閃婚。

獲老公無限包容　激讚：我老婆係最靚

結婚15年來，Matthew對經歷過千瘡百孔的寶珮如充滿了疼愛與包容。「佢永遠喺朋友面前都話『我老婆係最靚』，佢話『老婆，你呢度（內心）係最靚，我哋睇呢度，唔係睇呢度（樣貌）』。」

老公代報名試鏡促成復出　拍《藍天白雲》無懼面內藏金屬

不僅如此，Matthew更是寶珮如重返演藝圈的最強推手。當時電影《藍天白雲》公開招募新演員，Matthew為她用真名「陳珮如」報名試鏡。「佢話『你都要畀人知你有興趣拍，唔得無所謂，留個紀錄』。」

試鏡當日，她硬著頭皮走進去，導演張經緯一眼認出她，更讓她連過兩關，最終成功奪得戲中50歲母親一角。拍攝期間，她甚至忘記了臉上的金屬片，要求飾演女兒的梁雍婷「真打」，導致微絲血管爆裂。「當時追天光，我話『真打』，我都冇諗過當時我忘記咗自己塊面有鈦金屬片，都唔知原來我唔可以打。打完之後現場已經浮晒出嚟，個女（梁雍婷）同導演都好震驚。」這份敬業精神讓她憑該片獲提名金像獎「最佳女配角」。

貼錢返工　公司附近租酒店爭取時間休息

憑著金像獎提名的氣勢，監製黃偉聲邀請她加入TVB拍攝劇集《牛下女高音》。但因為家住得遠，車程與的士費開支龐大，丈夫甚至心痛得叫她在將軍澳租酒店房「補貼返工」。「我試過拍TVB嗰幾年，真係天光四點起身返工。我老公錫我錫到不得了，話『好辛苦，你不如近啲將軍澳Book間酒店，住個房』。（貼錢返工？）係架，我係貼錢返工，所以唔好囉，我要錫住我老公荷包...啲同事都話我貼錢返工，真係羨慕你呀。」最終在2025年中，她宣布離巢，結束了6年的賓主關係，專注發展舒服得多的電影圈。

如今的寶珮如，雖然因為盆骨舊患及年紀問題，遺憾未能為喜愛小孩的丈夫生育下一代，甚至因超齡45歲而無法領養，但兩人的二人世界依然恩愛非常。「我盤骨裂過，加上年紀大，更年期嘞....但感恩有呢個先生，佢好有承擔，令我冇缺乏。我依家學識同殘缺共存，好好活好今日，好好呢一刻已經足夠。」

場地：十里（時代廣場）