藝人劉子儀（可人Kelly）今日（7月23日）出席香港動漫電玩展活動，對於早前她在馬場活動被指「冇幫方媛P圖」接受《香港01》訪問時解釋「係一個誤會」。她笑指：「呢個真係一個誤會嚟㗎，本身郭富城同方媛都係我啲偶像嚟㗎，我係好鍾意佢哋㗎！但係因為嗰日好多人，我冇同佢哋影到相，跟住我啲朋友影咗，臨尾嘅時候啲朋友就話有佢哋嘅相。」

可人Kelly解釋：急得滯

可人表示自己是小粉絲，所以見到偶像很興奮：「當時就急得滯，跟住就唔好考慮得咁周到，跟住就直出咗咁樣。」可人表示平時自己的照片亦沒有P圖，所以沒有考慮到這一點。

雖然事後可人被網民責怪沒有幫方媛P圖，甚至有網民罵她，她表示因為自己那段時間生日，所以不想被他們影響自己的心情，不過她承認是自己的疏忽，以致被網民指責。有見及此，她表示之後會注意，發文前會多加留意。