有「風之子」、「颱風KOL」之稱的「享樂團」主音旨呈，其30億赤柱豪宅每逢颱風都成為重災區，即使超前部署都一樣水浸。但今次「紅霞」襲港，可能因為風向問題，難得「東登」，所以他就倖免於難。然而，他卻自爆打風期間遇上另一意外，其落地不足一個月的新車被從天而降的石屎扑爆！

透露新車落地不足一個月 慘問：點解又係我

其實他日前已透露，去完醫院抽血後，醫院打電話急Call，叫他三日內必須回醫院見醫生，他還擔憂地問：「係咪就C（死）⋯⋯」。正當他今日（26日）打算攞車，就發現座駕出事，他透露：「新車落地唔夠一個月，六合彩唔見我中！」、「點解又係我？」不過之後他發文說：「可能個天有啟示，醫院急call我睇抽血報告，都仲未睇，就跌咗幾嚿磚頭敲爆我部車，如果我唔係喺車裏面，我應該GG。」網民都叫他要還神，又指今次座駕幫他擋了災，相信醫院驗血報告一定冇問題，並祝他平安健康。