衛詩雅（Michelle）日前在拍攝新劇《狩謊》的動作戲份時突發意外，導致面部及口唇嚴重撕裂出血，事發後她被緊急送往醫院，經醫生詳細檢查後，嘴唇及口腔內部內外共縫合了50多針，傷勢不輕，甚至一度引發外界關注其會否有毀容及留疤的風險。目前衛詩雅已返回家中休養，並全面停工。

張繼聰受訪關切好友　坦言不敢過度打擾

張繼聰今日（1日）出席《人夫集團》記者會時，被問及好友衛詩雅受傷一事，他透露自己在得知消息後，已第一時間傳訊息關心Michelle的情況：「我知道咗之後，我有發訊息畀佢囉。咁佢都好快覆返話『多謝關心』咁囉，希望佢快啲好返啦。」

對於好友意外受傷，張繼聰表示十分心疼，但考慮到Michelle目前最需要的是靜養，因此並未過度打擾或追問受傷細節：「都係發訊息問候，最緊要畀人家休息啦。其實都唔想太佔用時間，等人家休息下啦，冇講咁多。」

被問到同為演員及好友，聽聞對方傷勢嚴重是否會感到相當擔憂時，張繼聰感嘆道：「自己一聽到佢受傷咁嚴重，同Michelle又係好朋友，一聽到都好肉赤。咁但我相信佢嘅團隊一定會幫佢有最好嘅安排同照顧，希望佢可以好好休息，快啲好返。」

至於外界關心衛詩雅會否因傷毁容，張繼聰則對Michelle及其醫療團隊充滿信心：「呢樣嘢我相信佢哋in good hands，尤其佢先生都係醫生。咁梗係希望佢冇事啦，亦都相信其實依家嘅科技都發達嘅，所以都希望佢好似冇事一樣咁出返嚟啦。」