日前天文台前台長林超英，現身無綫新聞台《講清講楚》接受主持陳嘉欣訪問，討論極端天氣、「超級厄爾尼諾」現象及開冷氣等話題，二人一碰面，林超英打招呼說：「你好呀嘉欣姐姐！」陳嘉欣被殺了一個措手不及，尷尬失笑：「哈哈哈！未去到，都係姐姐……姨姨㗎喇已經。」

林超英回應「開冷氣」：如果熱到會死，我梗係開冷氣啦！

之後陳嘉欣當然少不免會關心林超英有否開冷氣，更提到近月氣候就連歐洲人都要買冷氣，林超英就說：「如果熱到會死，我梗係開冷氣啦！如果我就嚟暈低我都開冷氣，我成日話畀人聽，如果我開冷氣，我一定通知你。」他指有數據證明正常健康的人，在35度以下，只要開風扇就足以降溫，表示：「冷氣要嚟救命，但唔應該當成日日開。」他又透露自己早前都差點「破戒」：「我自己今年有一日爭啲想開，因為都35度幾，但係嗰日啱啱落咗場雨，我就冇開到，如果唔係我就破咗戒喇。」林超英強調自己為了救地球、減少排放二氧化碳，才盡量不開冷氣，但表示：「我唔會堅持死都唔開冷氣，如果我會死，我一定開冷氣。」