郭柏妍於劇集《夫妻的博弈》飾演「綠茶婊」潘雪文，集可愛與綠茶於一身，儼如「真人版Melody」，不過由於今次與之前演過的角色截然不同，郭柏妍未必一來就能入戲，幸好她獲得不少同劇前輩指導和鼓勵，包括張頴康及「處境劇女王」林漪娸。近日TVB發布一條短片，是林漪娸與郭柏妍拍對手戲的花絮，見到她教郭柏妍：「講嘅對白有意思先會講。」、「呢個你係受委屈，叫你講大話，變咗你係受害者。」

郭柏妍虛心受教後表現進步 林漪娸大讚：叻豬

經指導一輪，虛心受教的郭柏妍表現立即脫胎換骨，獲監製大讚，而林漪娸亦說：「好好呀，即刻進步咗好多呀，叻豬！」郭柏妍更開心得與前輩擁抱。網民就留言：「發達囉，Madame Ceci親自教👍🏻👍🏻👍🏻」、「有呢啲前輩有耐心又肯真心教導，真係好好！」不過也有人搞笑說：「唔好阻住Madam Ceci 收工，陣間要去 tea ~」