現年45歲的袁偉豪近年鮮有幕前劇集作品推出，日前他為《最佳拍檔》「光頭仔」王嘉明的新歌擔任監製，接受《星島頭條》專訪時，親自回應外界對他近年淡出幕前及生活富貴「唔使做」的質疑。

袁偉豪表示，對上一次推出個人單曲已是3年前，拍劇亦同樣停工3年，但他堅決不認為自己已經「消失」。他坦言：「跑咗一段時間，呢幾年人生有另一個階段，成家立室、有小朋友，我學做爸爸、做司機，呢啲都係禮物。」

對於外界傳他生活無憂、甚至被指「唔使做」，袁偉豪一笑置之，幽默回應：「唔使做就真係唔使做啦，就拜拜冚蓋㗎啦！其實都要搵啲嘢過日子嘛。」他透露自己其實一直有參與幕後工作，包括電影合成及融資。如今已為人父的他，更將「Family man」（家庭主夫）視為自己的人生作品之一，笑言最重要是「搵到快樂就得」。