TVB節目《東張西望》昨晚（20日）報道一宗假富豪騙財騙色事件，一名年約40歲的女保安Tammy於今年5月結識了自稱「郭總」的物業主管，對方自擁是租車公司老闆，又經常在社交平台大曬名車、名錶及大量現金等，Tammy被「郭總」熱烈追求，更一度以為可以嫁入豪門，但原來這位霸道總裁竟是「空心老倌」，Tammy被騙出錢簽租約，更被偷去金戒指，人財兩空。今晚（21日）一集繼續跟進事件，主持梁敏巧（Maggie）更陪同Tammy與郭總當面對質，連環發炮質問！

Tammy收名牌手袋　全部假貨：垃圾嚟，臭到不得了

Tammy透露郭總初時以甜言蜜語和「名牌」攻陷芳心，但之後男方逐步向她借錢，Tammy更激動大爆郭總送的名牌全是假的：「名咩牌呀，全部都係假嘢嚟㗎！成身都係包裝自己，呢啲全部都係假嘢，你聞下啦，臭㗎！係人都睇得出啦，呢啲全部街邊貨都買到啦！」就連護膚品、香水都是假的，Tammy直斥郭總是「騙子」！當中最貴重的禮物要數一個聲稱價值逾200萬的「H開首」名牌手袋，Tammy憶述：「一打開，嗰個袋好大浸味，好臭浸膠味，好刺鼻！次次同佢出街都要我化濃妝，一定要攞嗰個手袋！後尾知道全部都係假，垃圾嚟，臭到不得了！」

郭總揚言「生女就送別墅」

梁敏巧陪同Tammy查證「郭總」的租車公司，結果去到發現是假地址，Tammy直言覺得男方很自卑，用種種手段去騙人。除了用假貨充闊佬，郭總更曾向Tammy揚言「生女就送別墅」，Tammy表示：「佢話叫我幫佢生個女，又話生一個女就送一棟別墅，生兩個就兩棟別墅，當時冇安全措施㗎。（而家諗返起係咪好好彩？係呀，好彩我而家冇BB咋，如果唔係我都唔知點死呀，我自己都唔知點算呀！」

郭總借錢交租不還　Tammy戶口剩20幾蚊

郭總更曾向Tammy借了35,000元交租及按金，並要求以女方名義簽租約，但在兩人同居期間，Tammy發現自己有一隻價值2,000元的金戒指不翼而飛，懷疑郭總將戒指拿去變賣，但對方矢口否認，更大鬧Tammy，二人自此一刀兩斷。Tammy自言在借錢給郭總後儲蓄清零，生活捉襟見肘：「我而家銀行（帳戶）得返廿幾蚊咋，冇晒錢喇！個衰人呃晒我啲錢，而家雪櫃都冇嘢食，冇啖好食，呃晒我幾萬蚊，而家我食飯、交租都冇錢，而家點算？」

梁敏巧陪Tammy當面對質　郭總發難：妳做雞呀？買賣呀？

Tammy與郭總反面後，更決定告上法庭，向他追討之前租屋的費用，加上其他雜項，約49,000元，但對方不認帳。為了替Tammy討回公道，梁敏巧陪同Tammy與郭總當面對質，更連環發炮質問：「簽租約嘅時候係用佢個名租嘅，呢個決定係佢自己定係你決定？」郭總即發難：「我點逼佢？我攞槍指住你呀？」，當被問到用假貨時，郭總即變臉，更大鬧Tammy：「妳做雞呀？買賣呀？」當梁敏巧追問為何刻意穿金戴銀及炫富時，郭總就回應：「關你咩事啫？我鍾意，平安符得唔得呀？」最後郭總仍堅稱自己是一位Gentleman，會承擔部分責任，但當梁敏巧要求他即場償還女方金戒指的2000多元時，他即拒絕：「要法庭判咗先得㗎！」