《中年好聲音4》將於本周日舉行決賽，而當中以蒙面身分參賽的藝員同事，包括「企鵝人」周志康、「獅子王」羅天宇、「貓女郎」劉佩玥、「白羊君」姚兵、「白眉鷹王」莫家淦、「樹熊公子」黃建東，其表現都令人眼前一亮，令TVB著意為幾位找來一個屬於自己的舞台，決定由六人舉行《愛爆動物音樂秀》，於9月30日麥花臣場館舉行，昨日（21/8）幾位便在記招分享感受。

其中周志康、羅天宇及劉佩玥接受訪問時，羅天宇及劉佩玥都同樣覺得比賽未做到最好，往往被緊張心情影響表現，好想今次藉著舞台，做一次更好的演出畀大家睇。劉佩玥最想在演唱會上表演跳舞︰「我曾經喺屋企練習Moonwalk，但真係會平衡唔到跌低。現在跟表演仲有時間，又睇下可以練到甚麼。我比賽後都冇偷懶，有繼續練歌，都希望經過大半年後，畀大家睇下有咩進步。」

講到會否講嘉賓，大家當然最想看周志康與周志文兩兄弟合體，而且身邊仲有緋聞女友劉佩玥，有十足話題。周志康︰「都要睇佢檔期，佢要忙自己生意，經常飛來飛去。」羅天宇︰「以前都會同阿文打籃球，我都諗唔起上次打波係幾時。」緋聞女友劉佩玥就表示不太清楚他的行蹤︰「就算佢唔做嘉賓都好，我諗都會嚟支持我哋。」周志文更指要他做定三塊燈牌。

周志康剛剛在上星期被淘汰出局《中聲4》，雖然總會有點失望，但依然感恩可以參加今次比賽。「一路都接受呢件事會發生，比賽始終都有勝負，但最開心大家會唔捨得我被淘汰，係好感恩。」周志康對贏輸放得開，但太太及兩位囡囡就即時喊得好厲害︰「妹豬（女兒）喊係因為唔捨得爸爸冇得再錄影，因為在現場跟好多哥哥姐姐都玩得好投契，所以係唔捨得冇得錄影多啲。」不過據知，羅天宇在現場聽到這番感言亦喊晒。「係啦，講嘢鬼死咁感人。」周志康指節目上播出分幾鐘，實情在現場講了十幾分鐘。「係講到支咪冇電，十個月的旅程太多嘢可以道謝喇。」