張與辰今日（23日）出席《中年好聲音4》決賽，對於早前因二次創作一代巨星張國榮（哥哥）的專輯封面而引起的網上風波，對此他首度作出回應。張與辰接受訪問時坦言自己非常喜歡哥哥，絕對沒有詆毀對方的意思，並表示哥哥的粉絲都十分友善。

張與辰對於早前二次創作風波其實沒有太多需要補充：「因為都過去咗，同埋要講嘅都講咗。」他再三強調自己的初衷：「真係冇心去詆毀哥哥嘅，因為我真係好鍾意哥哥。」他形容「falala」就像自己的「親生骨肉」一樣：「即係已經當咗佢係我生活嘅一部分囉，所以都冇乜嘢好講嘅。」

談及風波初期的心情，張與辰坦言的確受到影響：「一開始一定有嘅，因為自己嘅點講呢嗰個本意啦，嗰個心入面嘅本意呢，即係唔係咁樣㗎嘛，但係大家就可能冇冇解釋得太清楚，所以就會變成有誤會囉，所以一開始都有少少唔開心嘅。」被問到會否擔心哥哥的歌迷對他產生反感或針對，他隨即展現樂觀態度，笑言：「我相信哥哥嘅粉絲都係好Nice，因為哥哥本身係已經係一個好Nice嘅人，所以我相信佢啲粉絲都一定繫好Nice。」

至於這次事件會否令他日後在音樂創作上變得更有顧忌，張與辰堅定地表示不會因此局限自己：「我覺得唔會囉，因為創作呢樣嘢其實係好睇個人㗎嘛，所以我都會繼續，就係去玩我嘅創意。」除了回應風波，張與辰亦透露了未來的發展意向。熱愛美食的他表示非常渴望主持飲食節目，更笑言想藉此機會品嚐更多香港美食。