李克勤昨日（23日）重返TVB為大熱節目《中年好聲音4》決賽擔任評審，向來對音樂要求極高的李克勤，在點評參賽者時毫不保留，特別提到參賽者尤淑情的表現，直言對其失準感到「有啲可惜」。他指出尤淑情在演唱時犯下了一個可以避免的錯誤：「真係一個令到人好憫憎嘅錯誤，幾大意嘅問題。佢好唔好彩嘅係嗰隻歌，開頭係冇鼓嘅，咁如果開頭佢係有一啲節奏畀佢嘅，咁可能佢會handle得比較好。佢嗰隻歌本身全隻歌都好難唱，因為張宇生嘅歌好難唱。咁由頭到尾，佢都要聽得好清楚，好好彈，就算佢頭尾帶返嘅時候。好明顯已經打亂咗嗰個成個部署啊，咁所以係我冇辦法只可以比到高分，咁所以呢個係一個可惜。」

李克勤覺得尤淑情的錯可以避免

被問到是否「低級錯誤」時，李克勤則厚道地表示：「呢個時候我唔想用低級呢個字眼，但係點解要決賽先呢個可以避免嘅錯誤。呢個係唔講可以避免，可能係佢人生中其實係得一次嘅啫，咁但係就偏偏喺今日發生，咁但係都唔緊要嘅，因為米已成炊同塵埃落定啦。」

李克勤屢避談仔仔拍拖

除了精闢點評外，李克勤的家庭生活亦是追訪的焦點。對於早前有傳其兒子情竇初開，與「聲夢小花」姚婥菲傳出緋聞，他面對連番追問即煞有介事並多次使出「太極神功」，不斷重申：「《中年好聲音》呢，就講返啲《中年好聲音》嘅嘢！」他口風極密，僅以嚴父口吻拋下一句：「呢啲後生仔嘅嘢就後生仔自己解決啦。總之我都系一句，學業為重，讀書為重，其他嘢唔搞咁多啦。」堅拒再談兒子的感情狀況，最後拋下一句：「唔鼓勵！」

李克勤老婆盧淑儀與車婉婉是閨密

此外，李克勤亦大方提到與節目主持車婉婉的深厚交情。他透露車婉婉是他老婆盧淑儀的閨密，當年二人結婚時，車婉婉更擔任姊妹及司儀。李克勤笑言一直有為車婉婉的演出給予意見：「當其時佢做第一季嘅時候，咁大家又分享下，其實你做咩點啊。」看到對方現在如此受歡迎，自己亦替她感到非常開心。