《中年好聲音》決賽圓滿落幕，賽前曾揚言希望殺入三甲的蔡宓婕，最終遺憾未能如願。不過，比賽後她接受傳媒訪問時，心情卻顯得相當平靜，甚至坦言有一種「如釋重負」的感覺：「老實講，我覺得今晚嘅表演喺我咁緊張嘅狀態下，係發揮得幾好嘅。第一首，自己都覺得有進步嘅空間嘅，可以做得更加好嘅，如果唔緊張嘅話。但係第二首歌我自己係覺得玩得好開心，所以第二首歌我唱完之後，我自己都覺得值得啦，唔理咩名次，我自己係玩得好勁嘅。」蔡宓婕笑言自己完全拋開了名次包袱。

蔡宓婕未能晉身三甲

提到未能晉身三甲，蔡宓婕表示意外地沒有感到太過失落。她自覺在台上已傾盡全力，將自己發揮到最盡，因此沒有絲毫枉然：「唯一嘅遺憾我啱啱自己喺後台諗，就係我爸爸媽媽都喺度，咁我冇機會可以唱我想送畀佢哋嘅歌畀佢哋聽。」

蔡宓婕最想回歸平淡

比賽過後，褪去舞台上的光環，蔡宓婕最渴望的竟然是回歸平凡：「最完咗呢個比賽，我最想嘅係返返自己正常嘅生活，返返自己做一個人哋嘅媽媽，跟住返返做一個老婆，係一個喺鋪頭賣衫嘅正常人。可以有正常嘅生活作息，有正常嘅作息，跟住唔使再比賽，冇壓力嘅嗰種生活，呢個係我而家最想最想做嘅！」

蔡宓婕比賽初衷為咗搵多啲錢

至於未來的幕前發展，蔡宓婕直言若有機會當然希望嘗試，畢竟參賽的初衷也是為了：「因為參加呢個比賽都係為咗想搵多啲錢啊，養家啊！」因此對任何工作機會都非常歡迎。蔡宓婕表示自己雖然只是服裝品牌的員工，但參賽後確實多了客人認出她並要求合照，感受到比賽帶來的變化。面對其他落敗的戰友，她亦有送上安慰，認為大家能走到這一步已非常不容易，無論輸贏都是一次寶貴的經驗。