《中年好聲音》實力唱將沈宗賢（Sean）和阮慧珊（Ris），已於2026年8月3日推出首支國語合唱歌《伽利略的星星》。歌曲以星際軌道比喻愛情的頻率與定律，由沈宗賢包辦作曲、作詞及編曲，並由劉易昇監製。Sean和Ris很開心推出新歌《伽利略的星星》，為隆重其事於日前（8月22日）舉行新歌發佈會，出席嘉賓包括（排名不分先後）：肥媽、馮素波、韋綺姍（Rita老師）、谷婭溦、郭鋒、文佩玲、黃劍文、劉威煌、梁浩賢、呂喬恩、李創偉、陳溢光、劉曉昆、鍾凱瑩、善玥澄、陸東城、陳嘉琦、劉傳民、任永健、占士丁丁等等。

活動上先播出《伽利略的星星》的MV，問到MV的概念，沈宗賢指MV由馬來西亞導演朋友拔刀執導，以茫茫人海中注定遇見對方為故事主題，「既然最後一定會遇到，所以MV最後結果就係我哋邂逅。」包辦作曲、作詞及編曲的Sean表示，創作時的想法是首要創作情歌，因最想向偶像張學友致敬，「張學友嘅《你最珍貴》已經紅咗幾十年，我好希望《伽利略的星星》可以好似《你最珍貴》咁，每次有婚禮啲新人都可以唱住呢隻歌入場。」談到歌詞以星際愛情為主題，Sean就解釋：「我哋人就好似每一顆星星，茫茫人海可以遇見對方，又可以同頻率嘅人非常之少，所以要珍惜當下。」

歌名方面，阮慧珊也有幫手命名，「首歌除咗浪漫外，仲有好多學問，所以諗起天文學家伽利略，而伽利略對天文學嘅熱情，就好似我哋兩個對音樂嘅熱愛，任何人好投入咁追求一件事，都會吸引同頻嘅人，產生共鳴，互相拉近互相幫助，做到1加1大於2。」之後兩人再即場獻唱新歌《伽利略的星星》，令全場氣氛高漲。

沈宗賢和阮慧珊談到早前參加「藝人之家」的Art Jamming活動，以新歌《伽利略的星星》為主題各自畫了一幅畫，還得到善長人翁以一萬元作愛心認購，他們即場舉行頒贈儀式。Sean指幅畫的概念是來自《伽利略的星星》在串流平台的封面，而Ris表示最初本想合力畫一幅畫，但看到Sean的水平後就放棄念頭，「Sean畫得太好，我唔想拉低咗佢嘅水平，所以都係分開畫好啲，不過我都係跟住佢幅畫嚟畫。」講到善款將全數捐給慈善機構「星星兒童」，Sean就解釋去年曾到該支援患有自閉兒童的慈善機構做義工，「因為我哋今次首歌係講星星，而咁啱呢個慈善機構又係叫星星，我舊年去過做義工，發現每個小朋友都係好獨特，就好似每顆星星一樣，都係咁獨特嘅。」

最後大會請出多位嘉賓致詞，當中一手撮合沈宗賢和阮慧珊合作的肥媽，肥媽表示一向知道Sean寫歌出色，看到近期樂壇少有合唱歌就提議他寫一首，結果一天就完成了，還問她應該找那位女歌手合唱，肥媽就提議搵Ris，「因為佢哋兩個都係唱開Live Band會好夾，但因為今次係情歌，我叫佢哋要唱得溫柔啲，錄完我聽到效果真係唔錯，頭先唱Live我都聽到好肉緊，因為阮阮有粒音好高音㗎！但Tim Sir（張佳添）叫我唔使擔心，佢開咗聲就冇問題，做阿媽就係咁乜都會緊張！」肥媽又期望以後多些「中聲家族」的合作，「佢哋應該互相幫助，有多啲類似合作，唔使單打獨鬥咁辛苦，當然最好嚟緊可以成個『中聲家族』一齊合作，大家做個音樂劇就最好啦！」