名媛蔡一鳳（Michelle）今日（1/9）盛裝出席時裝匯演，一登場即成為全場焦點，她接受《香港01》訪問時，分享了自己的日常購物心得。

買衫錢不設限

被問及平時買衫的消費與預算時，蔡一鳳笑言自己並無設限：「我係因為平時真係要得閒先行到街，可能一次過就買好多，冇個budget，冇諗過budget！見到鍾意就買，買多啲，但最重要要搭返我自己啲珠寶。」

自爆家藏過千萬服飾

蔡一鳳更自爆由於衣服太多，常常會買到忘記自己擁有什麼產品，甚至要靠家中傭人提醒：「有時真係喺屋企嘅時候，家傭姐姐同我講：『Mom，你好多衫都未拆牌呀！』，最尾我宜家好啦，啲名牌衫全部都有個電子passport，可以save落喺個手機嘅相簿入面，得閒睇一睇自己有咩衫，唔記得咗嘛！」對於全家服飾與名牌資產的總價值，她坦言並未仔細統計，但數量極為驚人：「我個衣帽間應該過千萬㗎！有時去巴黎都買成百萬囉！」