現年53歲的李浩林精通兩文三語，多年來演藝與主持並行，以極佳的口才成為TVB大騷的「鐵腳」司儀。今日（1日）他在社交平台宣有離巢的消息：「無錯，我已回復自由身了。」原來他在TVB已經36年，他指在公司的時間如流水年華般，更認識到很好好朋友，此後他希望用一個新身份重現大家眼前。

李浩林離巢全文如下：

九月一日

我應該要與前東家TVB來場正式的「告別式」。無錯，我已回復自由身了，日後並希望可以用一個新身份重投大家眼前。

這段TVB如流水年華般的歲月，總是笑有中淚，沿途認識到好多朋友同事，亦都俾到好多觀眾認識到我——李浩林。

此時此刻，仍然記得被各位前輩教導如何成為一個會令大家安心，觀眾睇得放心既主持，我希望有做到各位對我的期望，同時十分感謝一直以來俾機會我做主持工作既所有伙伴們。

呢幾年在舒適圈太耐，連我都自覺腳步放慢到不能再慢，當正式回復自由身呢一刻，我問我自己：「我要繼續等？等待下一個工作機會？如果大家都開始忘記我，我就要放棄我愛的演藝工作？難道我唔可以主動出擊？」

唔得！咁多身邊好友仍然繼續努力向前衝緊，我都要學懂如何跳出舒適圈，去重新學習同感受自己的進步。 等等等等？仲等？唔等喇，各位「江湖再見」同時我自己將展開一次異世界冒險之旅！