76歲「阿叻」陳百祥宣布宣布退出演藝圈後，內地自媒體經營得有聲有色，據報道指其4000呎九龍塘複式豪宅市價逾億港元。除了大搞小紅書外，阿叻早前飛到馬爾代夫與太太「秀姑」黃杏秀慶祝47周年結婚紀念，兩人曬恩愛不在話下，阿叻忽然爆料當年點解拍那麼多永盛電影，更指老闆睇中他全因一件事！

阿叻爆因一件事獲向華勝睇中

阿叻近日繼續於社交平台分享與秀姑慶祝結婚周年的片段。阿叻與秀姑結婚近50年仍然十分恩愛，拖住手周圍去游水，在馬爾代夫買了一個朱古力蛋糕慶祝結婚周年，阿叻餵秀姑食嘢，秀姑亦滿眼都是老公；兩人住在海島小屋上，一推開門就是清澈大海，令人羨慕！

阿叻在馬爾代夫度假期間亦不忘拍片爆料，他透露多年來拍這麼多永盛電影，全因向華勝賞識，「最大功勞係向華勝先生，佢話我好夾佢八字，所以每一套戲佢一搵，佢覺得啱我就搵咗我，所以無論係多隆定係祝枝山都係佢搵我。」阿叻指向華勝給予極大自由度，從不教做戲，「佢知道一場戲，就捉我哋去咖啡室度，同我哋傾劇本，大家撞吓啲對白，點樣做。所以真真正正嘅伯樂，對我嚟講，係向華勝。」