陳凱琳、林鈺洧兩位港姐冠軍今日為長者慈善歌唱比賽擔任頒獎嘉賓，二人分別頒發最佳造型獎及最佳台風獎，不過兩位同樣在事前已表明不受訪。陳凱琳早前帶兒子睇戲時發生「淋Cream」風波，事後她曾回應事件，但部份網民仍抱負面觀感，未知她是否因此而決定不受訪。

不過陳凱琳今日心情輕鬆，頒獎前與司儀趙永洪聊天時，她大讚參賽者：「大家非常之有自信，見到大家踏上舞台嘅時候，雖然緊張，但係好見到嗰種自信，我自己啱啱上幾個月都去咗一個好大嘅舞台，我都好感受到唱歌嘅壓力。」而她說的舞台便是《乘風2026》（簡稱：《浪姐7》），趙永洪說她很厲害，但陳凱琳表示：「我就唔勁，其他人就好勁，所以我更加感受到其實大家真係要上嚟呢個舞台，係唔易，但係今日見到大家，覺得行得到呢一步，大家都要為自己鼓掌！」