梅啟明、張致恆、周永恒及李泳漢被被網民封為香港「四大廢男」，雖然娛圈有不少廢男，但他們的確是名副其實的表表者。梅啟明及張致恆最近破天荒同台接受網台「鼎豐盛」的訪問，節目中他們暢談自己的「感情觀」。梅啟明更被問到怎樣看自己被稱是「廢男」時，他激動地有所反駁。

梅啟明不認同被稱「廢男」

梅啟明不認同主持的看法，他稱自己不是廢人：「我唔覺得我自己係廢人啊，如果講我係廢人呢，嗰個真係廢人啦！梗係啦，我做咁多嘢，你哋冇眼見，淨係一句說話，話廢人就係廢人，係咪咁講啊？我背脊曬到燶曬做地盤。」

梅啟明堅稱侄仔先係廢人

其後梅啟明更直指侄兒才是真正的廢人：「我侄仔就真係廢人，我話畀你聽啊！點解你哋一個字都冇講，半句都冇講？食咗幾十年都喺阿媽度食，食到大，依家嚟謀！你話係咪廢啊？呢啲你又唔講半句喎！唔去講半隻字喎！呢個係咩問題呢？我覺得真係。」