張致恒（Steven）早前與梅啟明、周永恒等「廢男」合體現身網上頻道「鼎豐盛」，正當網民期待「四大廢男」中最後一塊拼圖李泳漢現身之際，率先出現的卻是經常在網上公審張致恒的老婆雯雯。鼎豐盛今日（22日）釋出夫妻受訪的預告片，以「借錢界KOL」稱呼Steven、「離婚界KOL」稱呼雯雯，二人在片中大爆家事，透露分房瞓多時，Steven指因為自己鼻鼾太大，而雯雯補充：「開頭係因為咁，跟住之後小朋友越來越多，加上我三仔有哮喘，我要特別照顧佢，一定要分開，唔係陣間又騷擾到佢。」

之後雯雯被問到最無法接受張致恒哪一點，她說：「性格，講一套做一套，所有嘢都係吹水。睇個樣就知啦，你睇佢而家。」主持人續問Steven認同與否，他否認指控：「我冇講一套做一套。」雯雯解釋：「 佢成日啲嘢講得好完美，但係冇做，識佢嘅人都知。」而Steven就表示：「嗰個係我計劃，唔代表我一定做到㗎嘛，我講我計劃出嚟，我覺得要咁樣做，但係我做唔到都冇計。」鼎豐盛亦預告，稍後會播出詳盡訪問。