本地數碼音樂平台 MOOV 邁入 20 週年，宣布自 2026 年6 月起於 ELEMENTS 圓方舉行多場《MOOV 20 Music Station》現場音樂企劃，第七場邀請歌手 Frankie 陳瑞輝擔任嘉賓登陸 Music Station 舞台。Frankie 陳瑞輝獻唱《皮思苦》、《是日戀愛》、《生還者》，用歌聲為MOOV 20 週年熱烈慶祝。

每次《MOOV 20 Music Station》均吸引樂迷圍觀，期待歌手到場分享音樂世界。上集嘉賓 Cath 黃妍虛心向Frankie 陳瑞輝請教「角色轉換」的技巧，Frankie 亦樂於分享經驗：「平時 off-cam 都會同其他藝人交流吓呢啲題目，今日我覺得講唔晒添，如果有機會可以繼續講落去，睇下大家會有啲咩睇法，激發下我自己。」

Frankie 陳瑞輝獻唱《皮思苦》為活動打響頭炮，現場數百名「皮寶寶」情緒非常高漲，瞬間變成全場大合唱。節目中，Frankie 陳瑞輝分享「哲學家」、「佛系擔當」理念：「以前佛系得嚟有啲被動，依家佛系得嚟有時會主動。例如有些表演人哋問我意見想做咩，我會話『真係無所謂！』，好想迎合大家嗰種佛系；依家我變咗會主動講自己想點先。」

Frankie 陳瑞輝竟然向下集嘉賓 Kiri T 提出「點樣養寵物」呢啲超易題目，俾對方輕易過關：「我都講咗兩年想養寵物，但係睇返自己嘅工作時間，覺得唔係好負責任嘅主人，要好多朋友或者屋企人 standby 幫我，我對自己養寵物呢樣嘢個期望好大，所以覺得自己未準備好。」

適逢本地數碼音樂平台 MOOV 邁入 20 週年誌慶，Frankie 陳瑞輝表示從小支持廣東歌，更屬陳奕迅 Fans：「以前我儲咗好耐錢買咗一部 MP3，當時成日都聽陳奕迅嘅歌，無論係搭車、溫書定係瞓覺，呢部機都陪住我。以前我好鍾意成隻碟咁樣聽，由第一首聽到最尾嗰首。」