「陳庭欣緋聞男友」謝東閔昨日（3日）現身學校活動，他與鄧凱文合唱《相愛很難》，令現場氣氛相當熾熱。謝東閔接受《香港01》訪問時談及現場唱歌表現，更笑談與「超級魔音」鄧凱文合唱的感覺。

謝東閔幽默「反諷」鄧凱文唱功

謝東閔對鄧凱文的唱功大加「讚賞」，提及與她的合唱，謝東閔更即時發揮幽默本色：「佢哋犀利啦佢哋，佢唱得咁好，佢唱得好過我添啦，唔夠佢嚟啦。（有冇覺得佢真係魔音先？）佢唔係，佢冇得救㗎啦！」謝東閔還笑稱：「能夠有咁嘅機會同佢一齊同台合唱，簡直係我榮幸啊！（會唔會想下次？）絕對需要下次啦！直頭同佢開個演唱會添啊！『首個告別樂壇演唱會』啊！」

謝東閔表示其實鄧凱文之前已經到他的音樂中心學過唱歌：「大家夾過幾次嘅，咁我覺得你合唱嚟講你都要練嘅，如果你唔練就好難合唱嘅。」而談到另一位藝人王汛文（Candice），謝東閔表示雖然尚未正式合唱過，但亦大讚她的表現：「佢唱得好好啊佢啲音準拍子，依家TVB嗰啲藝人呢，全部都係好全能㗎，自從我走咗離開TVB之後呢，嗰啲藝人好犀利嘅。」