資深藝人黃夏蕙今晚（10/10）舉行96歲生日晚宴，現場星光熠熠，吸引不少圈中好友到場祝賀。資深演員邵音音亦盛裝出席，她接受《香港01》訪問時，展現出一貫的幽默風趣：「個場好犀利，整得好靚！唔知邊個幫佢搞嘅，佢每次啲Party都係好熱鬧，居然有咁多人！」

看到夏蕙姐賓客滿滿，音音姐笑言自己其實也很羨慕，但自嘲沒有這樣的人脈：「我都想請呀，但我自己都諗唔到可以請到邊個，邊個都唔畀面我，個個都畀面黃夏蕙！個個都鍾意佢，佢真係朋友好多，好犀利！」

提到下次也可以辦聚會，音音姐卻連忙耍手擰頭，自嘲說：「唔得嘅唔得嘅！冇人到嘅！好多人鍾意睇到我x街嘅！」被問到為何會有這樣的想法時，音音姐感嘆是過往的經驗所致：「試過囉，我試過呀！我請邊個，邊個都唔會嚟嘅，嗰啲人係希望我x街嘅。夏蕙有社交能力、有咁好嘅朋友喺旁邊支持佢，我冇嘅，我冇嘅。」