TVB即將於11月19日舉行台慶重頭活動《萬千星輝賀台慶2026》，今日（15日）羅嘉良率領羅天宇、關嘉敏、游嘉欣、劉倬昕等一眾藝人，為開場大型歌舞排練。

提到早前爆料指，過去拍攝親熱戲時曾遭同劇男演員擅自「加戲」，對方未經溝通便做出超乎劇本的親熱動作，讓她深受困擾並留下陰影。由於關嘉敏過往拍攝親熱戲的對手屈指可數，主要涉及丁子朗及資深藝人鄧英敏，使鄧英敏瞬間成為外界猜測的嫌疑人之一。

澄清唔係鄧英敏

日前鄧英敏強烈否認臨時加親熱戲，關嘉敏今日（15日）接受訪問時，表示之前已經澄清了不是鄧英敏：「所以唔好亂咁講，因為對住前輩會唔好意思。其實都過咗幾年，唔係呀，唔係呀，千祈唔好誤會。」問到會否怕影響到前輩鄧英敏？關嘉敏直言：「我有時都會喺公司見到佢，有時就好尷尬，我都唔係講緊佢，大家就誤以為我講佢。（會主動同佢澄清？）未見到佢，見到佢一定會同佢講，嚟台慶會見到佢一定會同佢講返，真係唔好意思，要講多勁多次，大家唔係啊，唔係鄧英敏先生，唔該。」