曾錦燊拒戰半馬寧跑住採訪 黃庭鋒勸陳星妤玩遊戲勿太投入
藝人黃庭鋒、曾錦燊與張馳豪(Aska)昨日(15日)齊齊現身馬拉松比賽,三子完成兩公里賽事後接受《香港01》訪問,大談對「東張女神盃」的心水預測!黃庭鋒亦提及《女神配對計劃2》中,過去集數陳星妤在水上樂園打水戰其他女神過於兇狠。
曾錦燊跑到面青拒戰半馬
三位被問到會否勾起他們的意慾去跑半馬或全馬時,黃庭鋒笑指有:「after今次之後有嘅,希望可以認真咁去跑一次。如果決定咗跑就要努力練習,因為半馬呢啲唔係講玩嘅。」Aska則認為:「一生人應該想玩一次半馬又好全馬又好。」但就指要抽時間去練習。不過,曾錦燊就立即「耍手擰頭」,更笑指自己跑到「面青口唇白」:「我都係跑住去採訪。」
預測「東張女神盃」賽果
至於城中熱話「東張女神盃」賽果預測,三子各有心水!曾錦燊大膽預測Toby會將會跑第一,他笑言:「我陪咗Toby去練跑!」而黃庭鋒表示雖然未知各女神的實力,但因為他之前曾與何沛珈合作過:「我見佢好似都有練開,我會睇佢跑姿。」Aska亦覺得未知女神們的實力,所以他主張和平:「大家一齊衝線。」
陳星妤打水戰過於兇狠
黃庭鋒被問到最近《玫瑰戰爭》內的拍檔陳星妤在水上樂園打水戰過於兇狠,他表示幾天前宣傳時,陳星妤已經自己先開口問:「我會唔會太投入?我話係囉,點解玩到咁投入嘅?我覺得佢喺game入面,佢忘形變咗好投入,所以就話拉得好勁喎呢啲,我哋都講笑咁話:『娛樂圈真係咁嘅!』」黃庭鋒承認平時玩遊戲有時會太投入,所以都有叫陳星妤「Chill啲」。