林愷鈴擁「皇室血統」曝光恐生命受威脅 龔慈恩:唔關個女事
龔慈恩今日(16/11)現身葵涌為舞台劇《婚後赤腳遊》綵排,除了分享首踏台板的感受外,亦大方回應近日網上翻炒的兩大話題,包括網傳她當年曾怒燒前夫林煒的親密戲錄影帶,以及愛女林愷鈴早前在訪問中自爆擁有「皇室血統」的傳聞。
否認怒燒林煒親密戲錄影帶:可能抌垃圾抌埋!
事緣有網民翻出林煒早年拍攝台灣經典「花系列」電視劇《我永遠愛你》的往事,當時他在劇中與女演員席曼寧有大量大尺度親密戲及接吻鏡頭,甚至有一幕為罹癌角色「觸診」的劇情。有傳林煒當年特地將整部劇錄下收藏,卻被龔慈恩發現並追問兩人關係,翌日林煒回家後驚覺整套錄影帶全被燒光。
面對陳年傳聞再度發酵,龔慈恩隨即澄清這只是二十多年前的宣傳手法,並大方送上祝福:「呢啲多年前嘅可能啲宣傳嚟嘅啫,Anyway,都祝福佢啦!」被追問當年是否真的沒有燒過錄影帶,龔慈恩坦言事隔二十多年,自己記憶已十分模糊,「其實都模糊,講起都成二十幾年前嘅事,其實都真係唔係好記得,可能抌垃圾嘅時候就抌埋啦。咁所以我又唔會燒,燒就一定冇,我唔會燒嘢,我覺得呢樣嘢係一定唔會走去燒啦呢樣嘢,我一定唔會做嘅。」
替林愷鈴澄清「皇室血統」論:完全唔關個女事
至於女兒林愷鈴早前在活動上回應擁有「皇室血統」一事引起熱議,龔慈恩亦第一時間為愛女解畫,強調這絕非女兒主動提及:「呢個就完全唔關女事,因為其實佢自己呢樣嘢都有啲模糊嘅。」
龔慈恩解釋,該說法其實是二、三十年前台灣媒體的舊聞,當年是由林愷鈴的父親林煒提及,近日只是被傳媒「翻炒」出來:「只不過佢哋翻炒咗新聞之後你哋問佢,咁佢就答『哦,yes,係咁解』,但係個印象我諗佢自己都好模糊,所以絕對唔會係佢自己講出嚟嘅。」被問到會否擔心王室血統曝光後,生命會受到威脅?龔慈恩再度開懷大笑:「梗係唔會啦!咩年代呀而家,我哋咁安全,一定唔會!」