張文慈寧瞓碌架床拒讓外傭瞓廳獲讚 謙稱視對方家人:好姐姐難求

撰文:鄧穎琪
出版:更新:

張文慈(Pinky)近年主力在內地發展,除了登台演出之外,以直播帶貨工作為主,曾先後在上海、廣州、深圳、杭州定居,去年繼母不幸離世後,為了陪伴父親受痛風及高血壓困擾的父親,張文慈決定搬回香港的居所,但礙於香港單位空間有限,張文慈與工人姐姐同房瞓碌架床,直言:「幾多年冇同人哋……仲要同房喎,工人姐姐仲要瞓喺上面,夜晚嘈啲都唔得㗎嘛,佢放個屁我都聞到!」網民就大讚她孝順、貼地、能屈能伸,而且是「傭主天花板」。Pinky日前出席慈善活動時接受《01娛樂》訪問,她謙稱拍片時沒想太多,因與工人姐姐相處十多年,早已視對方為家人,表示:「你錫佢,佢就會錫返你。」

張文慈上載短片,大方展示自己在香港的居住環境。(IG@pinkycheung930)
去年11月張文慈透露因繼母離世,為了多多陪伴父親,她就搬回香港和爸爸一起住。(IG@pinkycheung930)
「有艇搭慈善基金會」10周年感謝禮。
唐安麒與張文慈相識多年,在活動上重逢!(鄧穎琪攝)

父親痛風發作時不便行走 張文慈親自照料:每個做女應該要做嘅嘢

對於照顧老父獲網民激讚孝順,Pinky謙虛表示拍片純粹是隨手分享生活日常,沒料到會引起如此大迴響:「我覺得唔係話孝唔孝順,係每個做女應該要做嘅嘢,我只不過返去陪我爸爸,我覺得係應該要做嘅嘢。」短片出街後,更有不少熱心網民私訊問她是否需要介紹醫生或免費醫療服務,令她大感窩心,並感激大家的好意。談到父親目前的健康狀況,Pinky感恩其情況尚算穩定,但始終年事已高,患有血壓高及痛風等老人家常見的長期病患,平日出入亦需要撐拐杖。她透露父親近期痛風發作得相當嚴重:「最犀利嗰時佢直程行都行唔到,試過痛風嘅人就知道,佢去廁所都可能唔係好方便,要托住佢或者喺房間,但係而家我OK,掌握咗點樣照顧佢,我開始習慣。

對於照顧老父獲網民激讚孝順,Pinky謙虛表示拍片純粹是隨手分享生活日常,沒料到會引起如此大迴響:「我覺得唔係話孝唔孝順,係每個做女應該要做嘅嘢,我只不過返去陪我爸爸,我覺得係應該要做嘅嘢。」(鄧穎琪攝)

為陪老父中港兩邊奔波 籲珍惜眼前人:陪得幾耐就幾耐

看著昔日為自己遮風擋雨的父親漸漸年邁,Pinky感觸道:「珍惜眼前人,可以陪得幾耐就幾耐!」她笑言自從搬回香港陪伴後,爸爸常嫌她「煩」:「我成日入房問佢食唔食嘢,乜乜乜,佢好怕煩。但OK嘅,相處得好好。」目前她過著中港兩邊走的生活,受訪當日更帶備行李,完成活動後便要趕回廣州工作:「邊度有工作就去邊度,冇嘢做就返香港。」每當她離港工作或工人姐姐放假時,兩人便會互相補位照顧爸爸起居。

張文慈之前為爸爸慶祝80大壽。(微博@張文慈)

與工人姐姐同房要早瞓 視對方如家人一齊行街睇衫

相隔多年再次要與人同房,Pinky坦言起初確實有點不習慣,但幸好與這位工人姐姐已相處十多年,磨合過後也大致適應,暫時未計劃再搬算。問到作息會否引起磨擦,她笑言:「有樣嘢係真嘅,自從同佢同房,你唔可以好夜成日都唔瞓覺,一返入房就要熄燈瞓覺,好乖咁瞓覺。」對於網民大讚她寧願自己睡碌架床下格,也不安排工人姐姐瞓廳或瞓工人房,她說:「我又冇諗到喎,唔緊要啦,一家人咁樣㗎我哋,所以冇問題。」有網民另外爆料,指曾目擊張文慈與工人姐姐如好友般行街,有講有笑,一齊討論去哪裡用餐,張文慈聞言問:「你點知㗎?」她表示試過與工人姐姐一起逛街買衫時,順口問對方「好唔好睇」,並說:「有人覺得我好奇怪,你鍾唔鍾意件衫,點解問工人姐姐好唔好睇,因為我真係好似一家人咁樣。」Pinky感恩遇到好姐姐全靠緣份,笑指對方更反過來教她講廣東話:「係佢教我『慳得一蚊得一蚊』!」

張文慈瞓在下格床。(影片截圖)
問到與工人姐姐作息會否引起磨擦,她笑言:「有樣嘢係真嘅,自從同佢同房,你唔可以好夜成日都唔瞓覺,一返入房就要熄燈瞓覺,好乖咁瞓覺。」
張文慈表示試過與工人姐姐一起逛街買衫時,順口問對方「好唔好睇」,並說:「有人覺得我好奇怪,你鍾唔鍾意件衫,點解問工人姐姐好唔好睇,因為我真係好似一家人咁樣。」

內地商演帶貨為主 效力TVB 10年預告將領長期服務獎

至於未來的工作動向,Pinky表示現時主力在內地接洽商演及直播帶貨,若香港有合適機會亦會客串拍攝無綫劇集。轉眼間已加入TVB踏入第10年,她更開心預告將於本月26日回電視城領長期服務獎:「係呀,我26號會返TVB攞呢個獎!應該係長期服務定係唔知傑出員工。」

近年主力在內地發展。(微博@張文慈)
轉眼間已加入TVB踏入第10年,她更開心預告將於本月26日回電視城領長期服務獎。(Instagram:pinkycheung930)