「樂壇判官」周啟生又開火 狠批許志安冇Jazz味:走音都費事講

撰文:胡凱欣
出版:更新:

「樂壇判官」周啟生現年65歲,他是資深音樂人,但近來在社交平台上十分搶口,他的言論經常惹起爭議。繼點評楊千嬅、林家謙、陳蕾及伍仲衡等音樂人後,今日(16日)他再度發文:「唔鍾意唔好入嚟睇,過主啦!」他將矛頭指向近日於西九開爵士音樂節的許志安,引起網民熱議

「樂壇判官」周啟生又開火。(資料圖片)
周啟生批陳蕾彈結他甩皮甩骨。(資料圖片)

狠批走音兼無爵士味 嘲「艇仔粥難變佛跳牆」

周啟生上載許志安《西九爵士音樂節》的演出片段,批評其演唱走音:「走音部分都費事講。完全冇爵士嘅任何元素,jazzfest my Ass!」有支持者認同他的看法,並質疑主辦方為何不邀請周啟生參演。周啟生回應稱:「如果真係識爵士嘅人出現,佢哋咪會無地自容囉!」亦有歌迷認為許志安未有將作品重新編成爵士風格,周啟生則以艇仔粥難變佛跳牆作比喻:「一碗艇仔粥點樣變佛跳牆啊?跟住佢哋話我好冇品,吹呀?」進一步揶揄演出。不過,另一批網民力撐許志安,認為他並非以爵士樂見長,願意嘗試已值得鼓勵,並批評周啟生身為前輩,措辭過於刻薄。

周啟生上載許志安《西九爵士音樂節》的演出片段,批評其演唱走音。(facebook截圖)
許志安被周啟生指冇jazz味。(facebook圖片)

曾貼王菲無濾鏡照惹議 敢言作風再成焦點

周啟生早前亦曾分享王菲一張未經濾鏡修飾的照片,聲稱不知道相中人是誰,只覺得照片特別,結果被網民質疑說法虛偽、欠缺風度。今次再批同行,令其敢言作風再次成為討論焦點。

周啟生貼王菲黑圖,並表示:「我甚至連呢個人係邊個都唔知。不過覺得幾特別,別無他意!」(Facebook/@周啟生 Dominic Chow)