莊雅婷狂讚鍾培生深夜炒飯 一舉動引網民質疑:人哋煮好先接手?
「百億富三代」鍾培生(Derek)今年3月在淺水灣大宅以電影級規格打造《進擊的巨人》場景,向莊雅婷(Angel)成功求婚,轟動全城,並於同年7月迎來愛女,升格為新手父母。鍾培生婚後時常與莊雅婷放閃,近日他上載一段深夜炒鮑魚炒飯給莊雅婷的影片,炒到身水身汗,只為了讓愛妻醫肚,盡顯錫老婆一面!日前鍾培生再公開深夜炒飯「下集」,莊雅婷除了食得滋味,亦極識說話冧爆鍾培生!
莊雅婷一句激讚鍾培生冧到爆
鍾培生日前公開深夜炒飯下集。影片中,他為莊雅婷送上炒飯,他興奮叫「老婆試味!試味試味!」又澄清是半夜12點半為莊雅婷炒飯。莊雅婷未食已激讚:「好好味呀!」鍾培生回答:「食咗先講啦!」莊雅婷食了一啖頻頻點頭給予肯定:「真係Ok喎!」鍾培生追問:「有冇愛?」莊雅婷即答:「有!」再冧爆做出心心手勢,非常識哄老公。鍾培生驕傲發文:「炒完個『XO醬鮑魚五香肉丁蛋炒飯』畀老婆食,原來都12點幾!好彩老婆話好食,大家想唔想試吓?」莊雅婷留言:「好味過我自己炒個個好多」,情緒價值滿滿!
不過在Threads上不少人好奇鍾培生「揸拳頭」式炒飯手勢,直指好新奇,「第一次見人咁揸鑊剷 果然champ」、「你個手勢話我聽你係人地煮好之後接手㗎喎」、「謝霆鋒式揸法 你識條鐵」。然而在Instagram上卻有不少人激讚鍾培生好錫老婆。