東張西望|樓下裝修工疑鑿穿喉反屈樓上漏水 樓上企硬:我哋冇錯
TVB節目《東張西望》今日(17日)報道了一宗荃灣屋苑的漏水糾紛,居住在該屋苑逾20年的樓上業主劉太,一直與樓下相安無事,從未收到漏水投訴。直至今年10月,樓下單位進行全屋裝修,引起了一場激烈的責任爭拗。
樓下落閘食閉門羹 天花生口板驚現大洞
據劉太憶述,樓下裝修首兩星期並無異樣,但到了第三個星期,裝修師傅揭開天花一塊鐵板後,突然指控樓上漏水。劉太隨即與管理處職員落樓了解,卻發現單位內明明有人,卻遲遲不願開門,直到近下午5點才讓他們進入。劉太赫然發現,浴室排污口正下方的天花板出現一個大洞,原本遮蓋的「生口板」已被拆除。
業主質疑鑿穿喉 裝修師傅辯稱「順手執漏」
劉太強烈質疑是裝修工人出錯:「我覺得係佢哋鑿過嚟囉!你拆嗰陣時無漏水,你揼嗰陣時無漏水,而家拆咗兩個星期就漏水?」更令劉太不解的是,過了兩天管理處突稱樓下師傅「已經幫手整好」,但對方卻揚言「以後滲水由樓上負責」。師傅接受訪問時聲稱:「我有材料咪順便幫佢執一執,我又冇收佢一分錢,佢話你順手幫我撻一撻,冇漏水就得啦!」
專家踢爆不應強拆生口板 表面塗層治標不治本
為查明真相,節目組請來專家賴Sir上門檢驗。賴Sir指出,該位置原本設有通往樓上浴缸底部的「生口板」,正常裝修根本不應打開。他直指現場有被開鑿過的跡象,混凝土變得鬆散,而所謂的「維修」純粹只是在表面塗抹防漏物料,完全是治標不治本:「佢順粹係阻截表面啲水滲出嚟,我留意到呢啲物料上仍然有好多嘅水喺度。表面嗰啲塗層物料耐久性好低,一兩年之後就會失效,將來有機會繼續漏水。」賴Sir認為最徹底的解決方法是更換整條管道。
樓上業主拒絕「硬食」 企硬訴諸法律追究到底
面對樓下企圖將未來的漏水責任全數推卸,劉太感到十分氣憤,表明絕不妥協:「呢個係責任嘅問題,同錢冇關!我哋冇錯,我哋唔應該去承認錯!」她堅決表示,若對方硬要她負上責任,一定會訴諸法律途徑追究到底。