張達倫攜妻談前度黎芷珊 Kimmy自爆曾介意:佢好似冇問過我
張達倫昨日(17日)攜同太太Kimmy作客節目《九運會客室2》,席間罕有大方談及前度黎芷珊。二人雖已分手多年,但黎芷珊與張達倫一家關係依然非常融洽:「佢個思想都係比較open,佢接受所有嘢。」被問到為何能與前度保持如此良好關係,張達倫將功勞歸於太太Kimmy,不過,Kimmy大爆自己曾經有介意過,更直指張達倫「好似冇問過我」。
憑直覺視對方為家人 畀足老公百分百信任
Kimmy坦言,即使兩人分手也不代表要完全斷絕來往,但她亦毫不掩飾地承認,在剛拍拖時確實曾經介意過男友與前度聯絡:「初初有嘅,一定有嘅……我都會嘅,即係都會介意嘅,真係搵得你咁密或者點樣。」不過她明白二人曾拍拖九年,彼此之間有著牽絆,例如以前一起養的兩隻貓。張達倫表示如今已視對方為家人:「有啲咩幫手咪幫手。」Kimmy更直言因為知道大家「冇嘢就冇嘢」,給予了丈夫百分百的信任,從來沒有要求對方斷絕聯絡。隨着時間推移,Kimmy憑敏銳直覺,確認黎芷珊與張達倫只是朋友,並無舊情復燃之意,於是釋懷,大方接受。張達倫亦補充,由於與黎芷珊同屬娛樂圈,十分清楚對方的工作,故偶爾會互相分享及給予意見。
霸氣護妻放首位 兩家人澳洲Gathering情同知己
張達倫在節目中被伍詠薇問到,若太太Kimmy反對他與前度黎芷珊聯絡,他會如何處理。張達倫坦言自己性格直接,他毫不猶豫表示會停止聯絡:「咁我會直接同佢講,我老婆真係唔係好想我咁樣。」認為太太不喜歡便應尊重,李凱賢亦認同直接交代原因最簡單。張達倫與年長12年的黎芷珊曾相戀9年,期間一直默默支持她的事業,最終因他渴望組織家庭,與女方不婚不育的想法不同而和平分手。兩人其後由戀人變成知己,關係猶如家人。黎芷珊不但每年出席他兒子的生日會及派利是,兩家人甚至會在澳洲相約見面Gathering,可見彼此感情深厚。