陳百祥下月踏入77歲帶秀姑回鄉 爆三大養生秘訣:咁就自然後生
「阿叻」陳百祥於4年前宣布退出演藝圈,近年積極轉戰自媒體,進攻小紅書等平台打入內地市場,不時上載新片與網民分享生活。陳百祥與太太「秀姑」黃杏秀居住於逾億元獨立豪宅,多年來出雙入對,早前兩口子飛到馬爾代夫慶祝結婚47周年紀念,十分恩愛!陳百祥近日又帶秀姑回家鄉新會,阿叻在遊艇上即席分享三大養生秘訣。
阿叻回鄉爆三大養生秘訣
阿叻近日帶秀姑回鄉下新會,阿叻坐快艇遊覽新會景色,並發文:「帶老婆返家鄉食果皮」。阿叻精神身材都保持得不錯,氣色紅潤,神態輕鬆又自在。阿叻下月3日77歲生日,他發文笑言:「還剩半個月又"25歲"生日」,心態相當年輕!
阿叻在快艇上與大家分享三大養生秘訣,他直言首兩個是心境開朗和多做運動:「人最重要心境開朗,做多啲運動,唔好成日諗埋啲負面嘅嘢。當你有樂觀嘅細胞呢,你就自然後生㗎啦!」阿叻分享最後一個心得,他認為「只要食得落口,盡量食唔同嘅嘢。唔同嘅嘢會吸收到唔同嘅營養。」阿叻補充:「當然有時都會食錯,食錯咪去廁所囉!」阿叻亦鼓勵大家多出外見識世界。