李佳芯挑戰地獄二揀一 出軌男定爛賭二? 衰男人吸引過蠢男人

撰文:許育民
出版:更新:

舞台劇《見面即地獄》由陳湛文(Peter)、何啟華(Dee)、李佳芯(Ali)及劉漪琳(琳琳)主演,龍文康編劇,李國威導演,陳詠燊、張珮華監製,亦是新劇團CEO on Stage的創團作。由2026年12月11日至26日,於演藝學院香港賽馬會演藝劇院公演。劇組在社交平台上不時都有發布宣傳短片,最新一條是要Ali玩「地獄二揀一」,將最難做的抉擇,要當面立即取捨。當中包括愛一個「衰男人」定「蠢男人」?寧願伴侶出軌定爛賭?條條都搞到Ali面有難色。

舞台劇《見面即地獄》由李佳芯(Ali)、劉漪琳(琳琳)、陳湛文(Peter)及何啟華(Dee)主演。(葉志明 攝)
舞台劇《見面即地獄》由2026年12月11日至26日,於演藝學院香港賽馬會演藝劇院公演。(《見面即地獄》海報)

事業定愛情?Ali︰事業緊要嘅

遊戲一來先是熱身題,例如問李佳芯喜歡唱歌還是拍戲?想拎視后還是劇后?已貴為視后的Ali當然揀演戲,並想拎埋劇后︰「劇后,好開心吖!」到劇中男主角二揀一,要揀陳湛文定何啟華?Ali為免得罪其中一方搞到面阻阻,創作了一個「湛文啟華」,即是要晒!

由何啟華發問的「地獄二揀一」,Ali有幾題都要作出艱難決定。(《見面即地獄》宣傳片截圖)
陳湛文與何啟華都是劇中拍檔,點敢得罪。(《見面即地獄》宣傳片截圖)
已摘視后的Ali,當然想拎埋劇后。(《見面即地獄》宣傳片截圖)

去到私人感情範疇,問到Ali會揀事業定愛情?她立即撒嬌︰「喂呀!」但沉思一會,已果斷揀出事業︰「咁事業緊要嘅。」去到委屈自己還是出賣情人?Ali又是不用多想︰「Sorry情人,我要出賣你!」

寧願男人出軌定爛賭?

最後,難度升級,寧願身邊男人出軌還是爛賭?Ali忍不住再度投訴︰「喂呀!咩問題嚟㗎?」今次經過較長的時間思考下,終於決定︰「爛賭吖,(要對方)斬手指!」至於寧願身邊那位是衰男人定蠢男人?Ali未有多加思索便答寧願要︰「衰男人!」何啟華見機立即加把口︰「我好衰下。」未知從呢幾條地獄二揀一,是否令大家對Ali的戀愛態度,有多一分了解。

寧願男人出軌定爛賭?Ali揀得好痛苦。(《見面即地獄》宣傳片截圖)
最後揀了「男人爛賭」,但要他斬手指。(《見面即地獄》宣傳片截圖)
衰男人定蠢男人,Ali二話不說揀衰男人,可見佢都幾怕人蠢。(《見面即地獄》宣傳片截圖)