許志安與馬國明同場不尷尬 呼籲向前看:以前錯過痛過沉澱過改過

撰文:鄧穎琪
出版:更新:

許志安今晚現身TVB《萬千星輝賀台慶》擔任壓軸嘉賓,他指自己40年前一出道都參加過台慶,負責耍劍,當時練了兩星期,但最終睇電視卻見不到自己:「因為嗰時企後面,所以都唔係好見到。另外仲有啲經典畫面就係同Liza姐(汪明荃)合唱《熱咖啡》,着住黑色好靚嘅衫,同Liza姐伴舞,呢啲都係好深刻印象。」安仔表示能獲邀參加台慶深感榮幸,透露做完演唱會即收到邀請電話,「我即刻諗咗好多自己好開心嘅一啲開心歌,去剪輯一個Medley,相信帶俾大家一個開心嘅表演。」

許志安任特別嘉賓。(截圖)

講到今日是7年前的風波後,再與馬國明同場,馬明指若碰面會與安仔打招呼,無需避忌,問安仔又會否尷尬?他大方表示:「件事都過咗咁耐,但係當然唔會尷尬,順其自然啦,會比較舒服啲。」他指一落車就做訪問,未有機會碰頭,對於事件相隔多年後,仍是為網民關注焦點,安仔真誠地回應:「如果大家有感受到,都知道……以前錯過、痛過、沉澱過、改過,而家最好嘅就係向着前面,努力做好自己嘅工作,對得住家庭,對得住生活,我覺得好足夠。」

(胡凱欣 攝)
(胡凱欣 攝)
連唱五首金曲掀全晚高潮。(截圖)
連唱五首金曲掀全晚高潮。(截圖)