TVB台慶2026|許濤預告12月五劇齊開 明年進軍啟德主場館搞騷
無綫電視(TVB)年度盛事《萬千星輝賀台慶》今晚(19日)圓滿結束,在節目結束後,集團行政主席許濤在台前拿起咪高峰,向在場全台藝員發表一番鼓舞人心的講話。許濤除了感謝台前幕後在59周年台慶夜為全港觀眾呈獻了一場精彩絕倫的演出外,更率先向全台藝人「劇透」明年的重磅發展大計,當中包括12月隨即有五部新劇開機,以及明年將進軍可容納五萬人的啟德體育園主場館舉辦大型演出,消息一出即令全場藝員起哄拍掌,氣氛熱烈。
邁向60周年新周期 5劇齊開
節目結束後,全台小生花旦及藝員依舊整齊排列在舞台上準備拍攝大合照,許濤站在舞台前方背對鏡頭、面向一眾藝員發言。他首先表示知道場內有眾多傳媒朋友正在等候,因此不會長篇大論,隨即向全場藝人致謝:「今日係我哋59歲嘅生日,多謝你哋put up咗一個咁好嘅show俾我哋、俾全港嘅觀眾。」
許濤接著以幽默的口吻問台下藝員:「59歲之後係咩呀?」台下隨即有人大聲回應「60歲」,許濤笑言:「冇錯!過埋今日之後我哋就正式進入60周年呢個周期。」他指出,明年不單是TVB踏入60周年的大日子,同時適逢香港回歸30周年,公司已經籌備了大量精彩節目迎接這個雙重盛事:「Which means咩呢?即係你哋會好唔得閒!Starting from今個月啦,12月,我哋就會有五部戲開機,有通告嘅人都知啦。」
明年攻入啟德五萬人主場館
許濤更自爆在後台準備期間得知的「地獄通告」時間:「我頭先get ready嘅時候都話俾我知,聽朝就0430已經有人化妝,0618有人開工,我諗你哋一路到過年都唔會得閒。」
除了劇集產量大增,許濤更在現場抛出震撼彈,透露明年將有超大型重頭項目:「到出年我哋都有重頭安排,頭先我問製作組話可以講嘅,就係我哋會搞一個啟德五萬人主場館嘅Show!」此言一出,一眾藝員隨即興奮拍手歡呼。許濤續指,相關籌備工作已經密鑼緊鼓進行中:「一切已經安排就緒啦,好快就會開始籌備呢件事,大家都會幫手。所以呢啲係一啲小小嘅preview,出年會發生嘅嘢。」
勉勵藝人養精蓄銳
在發言尾聲,許濤更叮囑一眾即將要通宵開工的藝員好好保重身體:「所以你哋養精蓄銳,今晚食個宵夜返屋企休息過之後,未來一年我哋大家一齊努力!」說畢,全場藝員報以熱烈掌聲。司儀隨即宣布進行全台藝員大合照,工作人員亦將大型金色「59」台慶標誌推到舞台左側,為台慶夜畫上完美句號。