俞可程被爆假單身缺席台慶 阮嘉敏義氣擋駕、眾女神急申報冇拍拖

撰文:鄧穎琪
出版:更新:

俞可程近日被爆料,指她疑搭上TVB《魔音女團》導演。有讀者向《01娛樂》爆料,指俞可程與曾為人夫的男方態度親暱,她繑著男方的手臂現身天水圍,兩人在車外及落車後均有「摸」及「錫」等親熱舉動,表現並無避忌,疑似「假單身」欺騙觀眾。俞可程原定昨晚(19日)於《萬千星輝賀台慶》表演,但最終缺席,未知是否避風頭或被公司「叮走」,而《女神配對計劃2》的其餘六位女神郭珮文、陳若思、阮嘉敏、陳星妤、梁超怡及何沛珈,結果就要代為回應今次風波。六人明顯盡量封口,指事前不知道俞可程缺席,其中阮嘉敏相當唔話得,為眾人擋駕,她坦言有收到朋友傳來俞可程的新聞,但未有時間多理會,事後會關心慰問對方,不過始終因為不清楚內情,實在不方便評論或代答。
有指第一季時節目組曾逐一將女神「捉入房」審問是否單身,被問到第二季有否沿用此做法,阮嘉敏坦言:「可能喺我嘅角度啦,其實佢冇刻意問我哋,但係呢個係《女神配對計劃2》,即係幫我哋配對,公司冇好主動問我哋,有時可能我哋做依件事,每個人認知唔同,我嘅認知就係,我單身,咁我就去玩。」講到若俞可程真的有拍拖,但又自稱單身參加配對節目,是否對其餘女神及求愛勇者都不公平,阮嘉敏直言:「唔係唔想答你哋,但係因為我覺得咁樣我發表一啲嘢對佢都唔公平。」、「我只可以代表自己去答我一定係單身。」之後其餘幾位女神都逐一申報自己都是單身。

俞可程疑因被爆搭上TVB導演,因而臨時遭飛出台慶。(資料圖片)
俞可程繑實男方隻手。(受訪者提供)
(左起)陳若思、郭珮文、阮嘉敏、陳星妤、梁超怡五位女神一齊行紅地毯。(盧振輝攝)
陳若思、郭珮文、阮嘉敏、陳星妤、梁超怡被問及俞可程的感情問題。(盧振輝攝)

俞可程臨時缺席台慶惹揣測 阮嘉敏何沛珈均稱事前不知情

被問到為何不見俞可程現身台慶,阮嘉敏(Mandy)表示完全不知情,解釋眾女神平日除非相約食飯打邊爐,否則很少事先夾好誰會出席活動,甚至連服裝顏色都是到場才知道,大家見面時往往只會驚訝問句「咦?你今日都嚟?」,有時有人請假處理私事亦不會刻意追問,而何沛珈亦附和指事前沒有夾過出席名單。

至於有否留意俞可程的爆料新聞,阮嘉敏直認:「有,實有人send俾我,一定有。」不過她解釋當日由朝到晚忙於綵排及化妝,加上一心想著要抽獎,實在沒時間深入了解內情:「可能佢都要時間去處理佢啲嘢,我唔識報道入面嘅人,只可以咁答。」何沛珈亦表示不太清楚事件,加上尚未收到節目監製Manho的電話通知,因此不方便多作評論。

被問到為何不見俞可程現身台慶,阮嘉敏(Mandy)表示完全不知情,解釋眾女神平日除非相約食飯打邊爐,否則很少事先夾好誰會出席活動,甚至連服裝顏色都是到場才知道,大家見面時往往只會驚訝問句「咦?你今日都嚟?」(胡凱欣攝)
對於俞可程的爆料新聞,何沛珈(右)表示不太清楚事件,加上尚未收到節目監製Manho的電話通知,因此不方便多作評論。(胡凱欣攝)

阮嘉敏承諾主動慰問俞可程及監製:唔係八卦係關心

雖然外界不時傳出眾女不和,但阮嘉敏強調大家私下感情要好,忙完台慶工作後必定會主動關心俞可程及監製團隊:「我哋一班女仔,其實雖然新聞會話我哋好多不和,其實我哋私底下真係friend嘅,我相信發生呢啲事,就算真係發生喺我身上或者乜嘢都好,相信大家都會問我,我哋忙完今日都會去慰問佢,都會關心問吓Manho,因為而家到目前為止真係冇收到任何電話通知我哋應該要點樣,冇,我哋自己一班都唔會不聞不問,我哋都會想同Manho成個團隊問返。係基本關心,唔係八卦,係對於我哋同事、同一個團隊、幾個一齊拍攝,我哋會想慰問啦。」

阮嘉敏非常唔話得,代答大部份問題,她指稍後會向監製及俞可程了解事件:「我哋自己一班都唔會不聞不問,我哋都會想同Manho成個團隊問返。係基本關心,唔係八卦,係對於我哋同事、同一個團隊、幾個一齊拍攝,我哋會想慰問啦。」(盧振輝攝)

俞可程被疑扮單身參加戀綜 眾女神爭相表態強調自己單身

對於俞可程被指疑「假單身」參加戀愛綜藝,阮嘉敏再次重申自己難表態:「首先我真係未同佢聯絡,我冇聯絡,人哋嘅嘢其實我哋真係好難評價,但係我自己一定係單身,我只可以代表自己去答我一定係單身。」身旁的陳若思、郭珮文及陳星妤聞言亦逐個對鏡頭回答「我都係單身」。記者隨即追問此話是否變相默認俞可程非單身,陳星妤即急忙澄清「我哋冇咁講!」,阮嘉敏亦強調因不知實情,絕難代對方作答。

六位女神齊聲表示自己單身!(胡凱欣攝)

爆《女神2》未有刻意查問感情狀況 阮嘉敏拒未審先判:對佢唔公平

上屆女神葉蒨文指,第一季時節目組曾逐一將女神「捉入房」審問是否單身,被問到第二季有否沿用此做法,阮嘉敏坦言:「可能喺我嘅角度啦,其實佢冇刻意問我哋,但係呢個係《女神配對計劃2》,即係幫我哋配對,公司冇好主動問我哋,有時可能我哋做依件事,每個人認知唔同,我嘅認知就係,我單身,咁我就去玩。每個人對呢件事嘅了解或者Process都係唔同嘅。」至於事件會否涉及欺騙成份、對其餘女神及一眾求愛勇者不公,她則堅拒未審先判:「而家真係做唔到任何評論,因為真係完全唔知發生乜嘢事,我真係要了解咗先,唔可以作任何評論,真嘅真嘅,唔係唔想答你哋,但係因為我覺得咁樣我發表一啲嘢對佢都唔公平。我唔想唔了解件事,我講咗,影響到佢。」

至於俞可程會否涉及欺騙,對其餘女神及一眾求愛勇者不公,阮嘉敏堅拒未審先判:「而家真係做唔到任何評論,因為真係完全唔知發生乜嘢事,我真係要了解咗先,唔可以作任何評論,真嘅真嘅,唔係唔想答你哋,但係因為我覺得咁樣我發表一啲嘢對佢都唔公平。我唔想唔了解件事,我講咗,影響到佢。」(胡凱欣攝)

女神齊否認為曝光玩戀綜 阮嘉敏坦言為結婚:大家知我年紀㗎嘛?

此外,有網民質疑一眾女神參加節目並非真心想拍拖,而是志在爭取曝光率,阮嘉敏聞言即平反:「我真係為拍拖㗎!我真係為結婚㗎,大家知呀嘛?大家知我年紀㗎嘛?哈哈。」其餘五位女神亦逐一剖白參加節目的初衷,陳若思直言是為了想認識一段好姻緣;郭珮文指希望看看有否機會遇到合適對象;身為「踢館女神」的陳星妤表示抱著多認識新朋友的心態,不一定強求找到另一半,但既然參與其中,亦會盡好本份;梁超怡同樣抱開放態度,指雖沒定下一定要找老公的目標,但若能遇到合適伴侶也是好事,不妨一試;而剛與方智弘(Oscar)關係躍進的何沛珈,則透露自己目前「都有認真了解緊啲求愛勇者」。

五位女神亦逐一剖白參加節目的初衷,陳若思直言是為了想認識一段好姻緣。(盧振輝攝)
郭珮文指希望看看有否機會遇到合適對象。(盧振輝攝)
身為「踢館女神」的陳星妤表示抱著多認識新朋友的心態,不一定強求找到另一半,但既然參與其中,亦會盡好本份。(盧振輝攝)
梁超怡同樣抱開放態度,指雖沒定下一定要找老公的目標,但若能遇到合適伴侶也是好事,不妨一試。(盧振輝攝)