俞可程捲TVB導演親熱風波 林盛斌重申:自己瀨嘢自己承受返

撰文:吳子生
出版:更新:

俞可程近日捲入「偷搭人夫男導演」風波,有指事件惹怒無綫高層,導致她連昨晚(19日)的台慶表演亦被踢出局,最終更缺席台慶盛事。與此同時,外界盛傳她有份參與的戀愛真人騷《女神配對計劃2》亦受牽連,製作組急需重新剪輯並刪減有關她的內容。身為節目「金牌媒人」的林盛斌(Bob),今晚(20/11)現身慈善活動並接受《香港01》訪問,首度開腔回應事件。

俞可程近日捲入「偷搭人夫男導演」風波。(受訪者提供)
外界盛傳她有份參與的戀愛真人騷《女神配對計劃2》亦受牽連。(IG@kanissyu)
林盛斌今晚為慈善活動擔任司儀。(盧振輝攝)

林盛斌力撐俞可程為人誠實 否認已與導演同居

俞可程在節目中一直標榜單身,醜聞曝光後遭不少網民抨擊「人格破產」及說謊。對此,林盛斌在受訪時坦言自己選擇相信對方,並透露節目組在開拍前已向所有參與的「女神」表明利害關係:「我自己個人選擇係相信佢,因為由參加上一輯同埋今輯都係,我哋製作組同我自己都會同嗰啲女神面對面去講清講楚,參加呢個節目其實要承受好多嘢。如果你原來唔係單身,但係你扮係單身,跟住之後日後俾人哋篤爆又或者俾人哋講咗出嚟嘅話,其實最後嗰個都係會自己瀨嘢嘅,即係自己承受返嘅。」他認為大家都是成年人,清楚知道哪些事情不能說謊。

林盛斌今晚為慈善活動擔任司儀。(盧振輝攝)

闢謠《女神配對2》刪戲傳聞 大結局維持原班人馬

外界最關注《女神配對2》會否因負面新聞而大幅刪剪俞可程的鏡頭,甚至將她「叮走」,林盛斌在訪問中大派定心丸,明確否認製作組會作出任何刪改,並透露大結局至今仍未拍攝,屆時將會維持原班人馬:「之前拍咗落嚟準備要出街嗰啲呢,即係全部都會準備會出街,唔會有啲咩特別修改話要刪走咩鏡頭,唔會。因為我哋仲有最後個大結局都仲未拍啦,咁我哋嚟緊會約齊所有人最後個大結局,即係嗰個最後告白嗰個位啦,咁我諗都會齊人嘅,即係唔會因為咁樣有啲咩人選會調動,又或者唔該邊個不如取消咗佢啦,我相信一定唔會。」

闢謠《女神配對2》刪戲傳聞。(盧振輝攝)

認為報道可信性不高 若屬實最感「極度失望」

綜合目前流出的相片與報道,林盛斌直言整件事的可信性不高,認為只是兩個人在街上被拍到,站得稍微近一點而引發的揣測:「我覺得可信性唔高,純粹喺個街度俾人哋影到,兩個人咁,可能企得埋咗少少或者點樣啫嘛。」

Bob認為報道可信性不高。(盧振輝攝)

當被問到假若最終證實俞可程真的隱瞞戀情甚至介入他人婚姻,他會如何處理時,林盛斌表示自己無需作出任何懲罰,因為觀眾與市場自然會給出答案,但他個人必定會感到十分痛心:「如果係事實嘅話,即係如果呀,係真係我原來……我諗最大嘅懲罰就係我對佢極度嘅失望,我諗對佢人生都係一個大嘅懲罰嚟㗎啦。觀眾呀、網民呀,或者個市場都會話畀佢知個答案最後會係點㗎啦,即係唔需要我去做啲咩懲罰,咁我自己個人嘅話當然係會好唔開心啦。」

林盛斌認為俞可程偷搭人夫導演一事如果屬實,會表示對此感到極度失望。(盧振輝攝)