東張西望|黃大仙屋苑頻壞𨋢單日4次 一家三口遇30樓急停嚇破膽

撰文:程嵐風
出版:更新:

今晚(21日)播出的《東張西望》探討黃大仙慈愛苑極為嚴重的升降機故障問題。節目組收到不少居民報料,指屋苑自從今年5月更換新的電梯保養承辦商後,6座合共24部升降機經常發生故障。有居民形容每日回家猶如坐過山車般驚險,對日常生活造成極大困擾。

《東張西望》報道黃大仙慈愛苑頻頻壞𨋢,街坊苦不堪言。(《東張西望》擷圖)
《東張西望》報道黃大仙慈愛苑頻頻壞𨋢,街坊苦不堪言。(《東張西望》擷圖)

換承辦商後狂壞𨋢 9旬婆婆被迫行樓梯

投訴人黃小姐接受主持梁菁琳訪問時,直指屋苑壞𨋢情況誇張,其居住的座數更試過4部升降機有3部同時失靈:「啲lift不斷壞,最初可能只係每一座大廈一部,跟住就兩部,我自己本身住緊嗰座呢,曾經同一時間四部𨋢有三部係壞咗嘅,亦都試過低層嘅lift全部都壞晒。」

由於升降機全面癱瘓,黃小姐連同高齡母親亦慘受牽連:「我要同埋90幾歲嘅媽媽,踏上去呢個高層升降機,跟住行返落五層樓梯返返去自己嗰層。咁好多時候呢,升降機有機會上午維修好,下午又再壞,高峰期24部升降機中有16部係有故障嘅!」

街坊黃小姐作出投訴。(《東張西望》擷圖)

重災區單日壞4次 街坊遇急停驚魂

有居民將每次升降機故障的日子與時間列成圖表,結果發現重災區B座的L3及L4號升降機,曾在7月連續4日發生故障,每次長達12小時;而9月14日當天更單日故障4次。

有受訪街坊猶有餘悸地憶述升降機急停的恐怖經歷,說話時聲音依然抖震:「黐線嘅我哋一家三口啱啱由31樓入𨋢,跟住落去之後呢突然之間急停,好恐怖啊喺30樓度急停啊,我個仔就不停按警鐘都係冇反應,我哋好驚直程係由30樓飛落底,所以我哋趕緊就去行樓梯,真係好恐怖。」 其他街坊亦大呻不便,直指幾乎隔日就壞,對坐輪椅的長者影響甚大。

另有街坊指試過一家三口遇電梯急停,好驚由30樓直跌落底。(《東張西望》擷圖)
另有街坊指試過一家三口遇電梯急停,好驚由30樓直跌落底。(《東張西望》擷圖)
高峰期全屋苑24部𨋢,竟有16部一齊壞。(《東張西望》擷圖)
高峰期全屋苑24部𨋢,竟有16部一齊壞。(《東張西望》擷圖)

管理處稱欠零件 苦主盼換走兩間公司

被問到保養承辦商有否解釋故障原因,黃小姐怒轟對方口供不一兼管理處未盡責:「講過兩個唔同嘅原因,有話個lift嘅電路板有問題,又有話過條纜有問題,跟住呢最後就話查唔到咩原因。我亦都試過去投訴管理公司,完全係冇回覆俾返我,其實我哋屋苑可以話係呢間維修公司同埋管理公司,加埋法團其實都好有問題。」

就此事件,《東張西望》去信屋苑物業管理公司查詢。負責人回覆指,電梯故障主因是缺乏零件作更換,市場上亦無新零件供應,承辦商現時只能翻修舊零件。管理公司表示至今已向承辦商發出不少於20封勸喻信及警告信,並已向法團管理委員會建議終止其保養服務合約,管委會現正考慮中。

對於管理處的回應,黃小姐直言只求藥到病除:「居民簡單㗎咋,你整返好晒啲lift就得㗎啦,你問我想唔想換咗個維修商同埋管理公司?我想啊,最好將兩間公司都換晒!」

屋苑物業管理公司指電梯欠缺零件更換。(《東張西望》擷圖)