張致恒出新歌歎鐵板燒營造好景 雯雯警告勿給假希望:累死佢全家
現年42歲前Boy'z成員張致恒(Steven)自2019年捲入桃色風波後形象破產,與區燕雯(雯雯)結婚並「四年抱四」,一家六口長年陷於財困,雯雯更不時揚言離婚。Steven近日企圖全面復出,出新歌,兼獲邀請歎鐵板燒慶生;正當外界以為他生活漸入佳境,雯雯今日(22日)卻突然在IG連發兩則黑底白字動態大吐苦水,自爆連屋租、學費及買餸錢都冇,徹底粉碎老公「好景」假象!
連環爆窮:買餸三日唔埋冇
面對外界指Steven最近環境大為改善的揣測,雯雯在IG限時動態連發兩帖,將殘酷的真實家境全盤托出。她在第一則帖文中怒氣沖沖地寫道:「唔好再同我講,你老公宜家好好景,大排(把)錢呢句。屋企生活唔足夠,屋租遲早死多次,學校費用冇,買餸三日唔埋冇。」 她更疑似暗批老公「充大頭鬼」,直斥外界不要被蒙騙:「無知既(嘅)人,睇佢表明(面)吹既(嘅),就覺得佢有!」
警告勿給假希望:累死佢全家
除了強烈澄清老公並非「大把錢」外,雯雯在第二則帖文中更語重心長地發出警告:「冇心幫佢既(嘅),麻煩唔好比(畀)希望佢,你會累死佢全家」。雯雯的連環控訴,令Steven欲借勢翻身的如意算盤面臨嚴峻考驗。
歎鐵板燒兼出新歌圖洗底
其實Steven近日積極籌備重返幕前,除了早前生日與老婆及兩名兒子歎鐵板燒慶祝,日前更無預警以組合形式推出全新合唱單曲《改過自新》。新歌找來網台主持洪仔(M.Yoda)及淦泉(G.Yaki)合唱,並由曾為周深、容祖兒填詞的「三本目老師」親自操刀。
MV在黃金海岸石灘取景,Steven收起浮華,以平實聲線唱出低谷心聲,歌曲上架11日點擊率逼近4萬5千次。他之後再與洪仔推出另一首合唱歌《沉浸式戀愛》,為全面復出樂壇鋪路;可惜現時再被老婆的「爆窮」宣言瘋狂搶Fo,復出之路難關重重。