【台慶頒獎禮】劉德華賀張頴康奪男飛耀 拍片力撐：我好驕傲
撰文：郭敏玲
出版：更新：
張頴康除了有老婆及囡囡，還有好伯樂華仔出言力撐，希望今晚張頴康可以有好收獲啦。（網上圖片）
入行16年的張頴康早前在馬來西亞《TVB馬來西亞星光薈萃頒獎典禮2016》奪得「飛躍進步男藝員」，是他人生第一個獎項。苦等多年，終於獲得肯定，他在台上的得獎感言多謝老婆麥雅緻一直不離不棄，講到對方曾說︰「你繼續發你嘅夢啦，錢唔好再諗，屋企由我嚟頂！」，這幕非常賺人熱淚，感動台上台下，甚至多少觀眾。
除了老婆，張頴康踏上演藝路，全靠中學時期遇上天王劉德華。當年華仔發掘他，一手提攜，甚至為他提供經濟接濟，所以張頴康就算得獎，也相當飲水思源，表示無華仔就無今日。而伯樂劉華原來多年來都有留意張頴康的最新動向，得知他奪得「飛躍進步男藝員」肯定後，更拍片祝賀，張頴康更開心到放上Facebook，華仔表示張頴康今次得獎好應該，仲話唔介意康仔在公眾面前提起劉德華，反而覺得好值得驕傲！還鼓勵張頴康繼續堅持落去。可見彼此都相當有情有義，引證伯樂遇上千里馬的道理。唔知有華仔加持之下，今晚台慶頒獎禮會唔會再下一城，拎多次「飛躍」呢？