【萬千星輝頒獎典禮】陳展鵬奪視帝 入行21年：多謝畀機會我嘅人
撰文：郭敏玲
出版：更新：
入行21年，陳展鵬終獲視帝。
視帝之爭終於有結果，陳展鵬終以《城寨英雄》拳佬一角，撼嬴後期殺出的郭晉安野人look，榮登新鮮熱辣的視帝。等咗咁耐，陳展鵬首先多謝郭晉安、黎耀祥及陳豪出言力撐過他，其後講到他的心路歷程：「由訓練班到而家，我諗有好多同行都經歷過，會覺得自己好迷失，唔知自己去向，但好多謝有好多人畀機會我，令我冇畀人淘汰。我入行21年啦，拎到呢個獎，多謝畀過機會我嘅人，我會好好記住你哋。」最後，陳展鵬多謝他的伯樂，雖然珍姐經常鬧他，但都無放棄過他。
陳展鵬去年在《張保仔》所演的貝勒爺已開始受到關注，但就與視帝擦身而過，而今年TVB神劇《城寨英雄》裡，除了收視重見久違的35點之外，陳展鵬飾演的左勾拳亦很出色，不但拳拳有力好打得，而且劇情後期變盲，都獲得觀眾大讚演得出色，所以奪得視帝的呼聲很高，最終可以成真，繼去年台慶奪得最受歡迎電視男角色後，陳展鵬在TVB第二個獎項。20年來終捱頭。
【萬千星輝頒獎典禮】《城寨英雄》奪最佳劇集 攬四大男女主角獎
陳展鵬奪獎一剎，很多人都很滿意結果。（梁碧玲攝）
陳展鵬媽媽激動落淚。